日本有唔少人氣漫畫家，喺成名前都曾經喺成漫界打滾過一段日子，好似現今炙手可熱嘅漫畫家大暮維人，就係當中一個好例子，而今次介紹呢本《NAKED STAR》係佢嘅經典成漫作品。
大暮維人喺20歲時任職繪畫師，經過多年嘅修煉後，參加由成人漫畫月刊《COMIC HOTMILK》舉辦嘅漫畫大賞，並且順利入圍，之後佢辭去繪畫師工作，成為全職漫畫家，兩年後喺《COMIC HOTMILK》發表處女成人漫畫作品《SEPTEMBER KISS》，從此展開成漫家生涯，憑住充滿動感嘅構圖，同埋與別不同嘅視覺效果及奇幻劇情，令佢火速冒起。
由出道至今，佢推出過多本成漫作品，包括1996年嘅《ENGINE ROOM 血冷式內燃機關室》、1997年嘅《5～FIVE～》、1998年嘅《JUNK STORY 鐵屑物語》等。直至1998年10月，佢嘅漫畫生涯出現極大嘅改變，轉型推出一般向漫畫《天上天下》，當中糅合一啲成人元素，結果大受歡迎，令佢嘅人氣跨出成人界以外。及後，佢嘅畫風變得更加華麗，劇情亦更加豐富，今次介紹嘅《NAKED STAR》係喺2004年9月推出嘅經典作品。
《NAKED STAR》嘅故事題材相當豐富，結局仲出人意表，收錄咗曾經喺成漫月刊發表過嘅10個單元作品，當中包括《星際傳說 1~6》、《THE BEAUTIFUL WORLD episode1~2》、《ONE SELF》、《翅膀》、《肥皂泡》、《大暮維人之縛棒將軍》、《「槍鐵」機械人 前篇》、《「槍鐵」機械人 後篇》、《豐死魔區西部戰線》及《S-song of Spphire Star》等，另外附上佢對每個故事嘅解說及繪後感。當中最值得留意嘅係《ONE SELF》及《「槍鐵」機械人 前篇》呢兩個故事。
《ONE SELF》甫開始出現一個神秘機械人，跟住鏡頭一轉，一個超級自戀狂嘅美少女對住塊鏡自娛，更稱讚自己嘅美貌，直至高潮為止。有日喺街上，佢遇到一個同自己生得一模一樣嘅女仔，於是佢千方百計尋找對方，可惜搵極都搵唔到，內心嘅壓抑令佢陷於瘋狂。半年後一個狂風暴雨嘅晚上，尋找已久嘅神秘少女突然喺佢屋企出現，兩人火熱交戰起嚟。究竟呢次如夢似幻嘅相遇，同神秘機械人有乜嘢關係呢？結局相當出人意表！
至於《「槍鐵」機械人 前篇》更具情慾元素，奇幻嘅鋪排令人驚嘆不已。故事以一段訪問開始，喺言談間得悉一位叫約翰活力斯嘅男人分享一次遇上大量死亡嘅事件，事發喺一年前，一輛正駛往密蘇里州嘅州際巴士，車廂內有一班人玩大雜燴遊戲，淫亂嘅場面搞到兩位誤坐呢架間巴士嘅日本遊客夏美同冬子非常尷尬，原來呢架巴士係由一班妓女租用嘅色情快車，無幾耐夏美同冬子睇到慾火焚身，加入大雜燴行列，點知火辣嘅場面引起駕車經過嘅約翰注意，喺強烈嘅視覺刺激下佢突然變身成擁有超能力嘅終極屍體製造人「鐵槍」，佢衝上巴士睇見荒淫嘅情景，殺意不斷上升，結果絕對出乎大家嘅想像。
作者：大暮維人
出版：CORE MAGAZINE
頁數：213頁
撰文：魂