有唔少調查顯示港人夫婦嘅床事密度以及滿足度都相當低，幾乎位列亞洲區最低位置。可能係壓力太大所致，換言之要減壓至得，咁就一定要睇今日為大家介紹嘅優良讀物喇！一本係教大家極具挑逗性及有助減壓嘅床上按摩功夫，另一本則係來自日本寫真天后原幹惠遠赴夏威夷拍攝嘅寫真集，睇完之後包你壓力冇晒，慾火上升！
好多日本寫真女郎成名之後都會轉做歌手或演員，家陣紅過炸子雞嘅綾瀨遙就係最佳例子，而原幹惠相信係緊隨其後嘅另一位成功轉型嘅寫真天后。原幹惠自多年前躍升為電視劇女主角之後，演藝事業一帆風順，但係佢依然冇忘記到一眾寫真迷，拍戲幾忙都好，亦會定期推出寫真集，呢本《MOMENT》就係最新作品喇！據講原幹惠拍攝嘅時候相當開心，皆因去到夏威夷取景，喺陽光與海灘下拍攝，個人都零舍高興，難怪佢換上三點式晒G Cup巨乳時表現奔放，好似初出道時咁活潑天真，令人睇得身心舒暢，興奮無比呀！
書名：《MOMENT》
售價：約HK$220
點先為之好男人？其實好壞係相對，所以平日衰到貼地冇問題，喺女人面前扮好人就有運行！呢本《Be A Nice Guy, Get A Hot Girlfriend》正係教你點做一個「好男人」，乜嘢應該要做，乜嘢千祈唔好做，咁女人就會對你加分，得到女人心，自然得米啦！但咪以為呢本係溝女天書喎，佢冇教你溝女招式，只係講解不同年齡女性鍾意啲乜、點先可以滿足到佢哋，以及如何吸引女士而不失霸氣，仲會講解如何使女人為你心跳、喺一班女士面前如何增加男性魅力等，學懂呢啲基本功後，跟住落嚟咩花言巧言、浪漫驚喜都可以慳番，因為你要學嘅係點樣透過身體語言，向女方作出性暗示，每次相處都係增加「性張力」，令女方無法抗拒，極速主動獻身。
書名：《Be A Nice Guy, Get A Hot Girlfriend》
售價：約HK$7.7（電子版）
唔少性學專家都提出過，按摩可以作為調情嘅法寶，但係究竟點樣按同埋按邊度呢？想知道點樣透過按摩挑起女伴情慾嘅話，就要閱讀呢本由日本著名美容整體師兼戀愛顧問朱美（Akemi）嘅著作《快感指令：讓她主動開口要的挑逗按摩術》，不但學識各種調情按摩技巧，仲讓你了解女人嘅諗法添！本書共分為8個章節，分別係「女性最想要的就是紓緩按摩 」、「你的手指擁有融化女性的力量 」、「整體師熟知的女人秘密 」、「打開快感開關 」、「借助語言的力量加強效果 」、「紓緩按摩性愛 」、「提升男性魅力的自我保養法 」及「被需要的幸福」。頭3章係從心理角度出發，讓讀者做好自我心理準備，並且剖析女性嘅心理秘密，跟住落嚟就係戲肉部分，講述點樣透過各種按摩技巧，刺激一啲好多人都唔知，卻原來具有挑逗作用嘅身體部位，從而引爆慾火，男士們想令女伴高潮不斷，不妨參考一下。
書名：《快感指令：讓她主動開口要的挑逗按摩術》
作者：朱美（Akemi）
譯者：游韻馨
售價：約HK$63
撰文：賢、祖、魂