以前模特兒只不過係人形衣架，外形出眾就可以上位，但係家陣就唔同，仲要識得宣傳同包裝自己，咁先可以突圍而出，好似新進模特兒鄧雪咁，就識集結網絡力量，成為網絡女神，人氣爆棚！
重慶係個盛產美女嘅地方，而嚟自重慶嘅鄧雪，當然係天生一個美人胚子，樣子甜美，擁有令男士傾倒嘅火辣身材，外冷內熱嘅個性，更令佢散發出迷人氣息。正正係呢種集多元素於一身嘅特質，令佢甫出道就備受注目，而佢喺處女寫真作品中，更盡情展現一副美好身材，睇到人流晒口水。雖然佢以健康性感形象示人，但係大家細心留意嘅話，就會發現佢骨子裏熱情奔放，野性十足。
除咗拍寫真之外，佢亦活躍於各大平面媒體，包括潮流、時尚、美容等雜誌，並且以車模身份出席各大車展。佢憑住獨特嘅氣質，深得唔少商戶嘅賞識，邀請佢擔任產品代言人，對一位新人嚟講，能夠獲得如此成績，確實唔錯。不過，阿妹認為單憑推出寫真及參與各種商演活動，未能夠令人氣推高，故此集結網絡力量，以網絡女神嘅身份示人，務求令更多人認識佢，結果人氣直線飆升，成功上位。
做得女神，唔可以輕易透露自己嘅感情生活，否則會因此而得失鍾愛佢嘅粉絲。不過對於鄧雪嚟講，一啲都唔擔心呢個問題，事關佢不但自稱係流浪歌手嘅情人，更經常喺微博中放閃曬幸福。好似早前佢喺微博暗示：「你已經超過半小時沒有和你的小可愛說話了，天乾物燥，小心她鬧。」所謂鬧即係發脾氣嘅意思，而從佢呢句說話中，唔難估到佢已經拍緊拖，亦係個好鍾意撒嬌嘅俏皮女生，同佢一直以嚟嘅冷艷形象好唔同，故此稱佢係個外冷內熱嘅美女絕不為過。
至於佢嘅男友係個點樣嘅人呢？大家亦可以從佢以前嘅留言中得知一二，事關佢喺上年底時表示：「找男朋友就要找會服軟的，不然天天講道理發脾氣，要麼我乾脆認你做兄弟。」意思即係做得佢嘅男友，性格一定要夠溫柔同識得忍耐，從中可以睇得出佢男友應該係屬於呢一種男生。粉絲們又唔介意阿妹公開談論戀情喎，更有粉絲表示之所以支持鄧雪，無非係欣賞佢出眾嘅外形同努力，感情則唔係佢關心嘅地方，反而希望佢能夠拍攝多啲寫真作品，畀大家欣賞。話時話，佢啲粉絲又真係幾理性喎！
簡介：鄧雪不但擁有令男士傾心嘅迷人樣貌，更有一副玲瓏浮凸嘅身材，不論以泳裝定晚裝示人，都展現出誘人美態。想知道佢嘅感情世界有幾豐富，就要去佢嘅微博睇睇喇。
網址：weibo.com/u/2858285415?is_hot=1
出生地：重慶
身 高：173cm
三 圍：33、24、34
撰文：魂