數據真係唔怕多，對你同我的確冇乜用，但對商家佬就好有用，用得最多仲係四仔添！皆因呢啲數據可以令佢哋拍少啲冤枉片，製作多啲賣座四仔，四仔廠同脫星都慳水慳力，四仔迷又睇到啱心水嘅嘢，咁咪三贏囉係咪？梗係唔係啦！傻嘅都諗到，四仔廠拎住呢啲所謂數據，口味只會愈嚟愈窄，就以日日掛喺口唇邊嘅「後欄」，點解咁多？之唔係成人網站收集用家搜尋關鍵字及瀏覽類別囉，可惜呢一樣係無法避免，睇得愈多，相關色情則愈多。早前連四仔bloger都好「深信」，依家所謂免費鹹網賺錢渠道已非靠廣告咁單一，反而將收集到嘅數據賣畀四仔片廠呢啲先係大生意呀！
以上個月底歐美用戶喺Porn.com網站嘅瀏覽習慣為例，結果發現四仔廠Brazzers嘅官方頻道係最多人睇嘅色情頻道，有成6,539,314點擊率，連公認淫到爆嘅Evil angel都只排第7、8位，點擊率達377,157，輸足十條街，邊個先最賺錢一眼睇晒。至於新成立嘅Tiny4k頻道，主打4K拍攝，居然可打入第9位，點擊率有191,636，記住，數據只算Porn.com嘅官方頻道，假如計埋其他免費鹹網一定嚇親你。而更過分係數據一路細分到連用戶位置，睇片日期、瀏覽時間，人氣脫星，鍾意邊類脫星，片長畫質以及用電腦還是平板，iOS定Android上網都一一俱備，下次當你享受免費色情網同時，其實係「等價交易」，出賣緊私隱o架！
網址： www.porn.com/blog/porn-usage-in-the-modern-age/
撰文：祖