喺日本SM界同AV界分得清清楚楚，但係兩者之間嘅關係又密不可分，因為好多AV作品都會大玩SM，而喺AV場面出手嘅繩綁大師好多係來自SM界。早前一場SM界同AV界都鼎力支持嘅一大盛事順利舉行，呢個就係雲集眾多繩綁大師以及AV女優嘅「日本繩綁節2016」喇！家陣我哋就一齊嚟睇吓人哋綁得幾咁興奮先啦！
日本人真係做乜都咁專業，做乜都可以當成一種藝術，我哋香港人成日去日本旅行，喺享受日本美食、美景之餘，更加應該學習佢哋做人做事嘅態度，小弟就唔會有口話人冇口話自己，所以早喺廿幾年前已經開始將日本AV當係藝術咁仔細品嘗又再三研究，如果有人搵我製作AV的話，相信會有一番作為。講咗咁耐，我都係想講日本SM界當中嘅繩綁藝術，其實大家千祈唔好用色情眼光去看待繩綁，因為繩綁唔一定鹹濕，同時亦相當普及，如果唔係早前舉行嘅「日本繩綁節2016」都唔會有咁多人排晒長龍等入場啦！當日活動喺涉谷神坂南FRAME上演，就算收5,000日圓入場費，約為三百幾蚊港紙都支持者眾，外邊就排長龍，會場內亦有條巨型長龍，係大會邀請SM界一眾繩綁大師為活動一齊用麻繩紮成一條龍形藝術品，乜咁似我哋大坑舞嗰條火龍嘅？
喺繩綁節當中，香港人若然到場參與的話，除咗會發現呢條麻繩巨龍熟口熟面，相信仲會見到好多熟悉、親切又令人興奮嘅美艷面孔，點解？頭先都講咗，SM界同AV界密不可分，繩綁節乃SM界盛事，梗係有好多AV界人士嚟撐場啦！當日現場女優眾多，包括已經引退但係又不斷參與AV界活動嘅經典SOD專屬女優範田紗紗、鍾意畀人用繩綁嘅知名SM表演者，亦係熟女界天后級女優嘅川上由，仲有前名為麻宮玲嘅美織舞及若林美保等。範田紗紗以一身皮革裝登場，主要就係推銷剛剛推出嘅露點寫真映像作品。至於川上由就冇表演SM，轉為開檔賣自己嘅舊衫以及親手造嘅朱古力。而美織舞亦係全力硬銷寫真作品及AV碟，若林美保就最落力，因為佢除咗上台表演SM，仲收錢同來賓玩絲襪誘惑，用對絲襪美腿撩動一下客人再畀對方偷窺裙底春光。
繩綁節當日最不能或缺嘅梗係一系列綑綁表演啦！大家都睇得如癡如醉，不知幾想參加埋一份。其實想嘗試一下SM的話，繩綁節亦絕對係最佳時機，因為場館內有好多SM界知名人士擺檔，當中有唔少都係收費畀大家影張SM表演者嘅寫真相，亦有收費畀大家一個SM體驗，只係畀500日圓就可以試吓被人綁到成隻大閘蟹咁喇！SM又點止得繩綁呢？畀得起錢仲可以試埋滴蠟，當日就可以見到有人被SM大師用火紅蠟燭滴幾個字喺背脊喇。另外，亦可以試吓畀美女用鉸剪腳侍候嘅感受，驚自己儀容唔得整潔，恐防會影響美女對自己嘅印象？唔怕！場內又有靚女畀大家脫鼻毛！想學大師們上台表演咩？又得，有份主持大局嘅SM大師葵瑪莉不時邀請觀眾上台玩埋一份，正確嚟講應該係畀佢玩先真，因為瑪莉會出動巨型震蛋同震棒招呼夠膽上台嘅觀眾。
撰文：賢