個個都話拍YouTube片賺廣告費搵食，咁你有冇諗過做PornTuber仲好賺呢？放心，唔使剝衫唔使執劑，只要你敢喺鏡頭前講吓不文嘢就得喇！咁當然唔係毒男盛女都可以做到啦，或者你好似一代四仔女神Kayden Kross同男優老公Manuel Ferrara咁有江湖地位先得！假如連佢兩位你都唔識，麻煩自己上網摷資料。Kayden Kross榮升四仔片廠老闆後，對搵錢欲望有增冇減，早前阿姐喺「PornTube.com」成立新頻道「Porn Soup」，夥拍老公Manuel大談性愛生活，喺頻道中兩人都係做番自己，除咗自嘲被鄰居嫌棄係色情演員外，仲會取笑時下男女對「潮吹」嘅迷思，放心，完全無色情成分，反而係以輕鬆幽默形式演繹，志在博網友一笑。雖然細佬唔知Kayden姐會賺到幾多，但呢啲咁簡單嘅工作，一定唔會辛苦過拍四仔囉！