演而優則導？咪傻啦，事實係邊剝邊執導，否則邊會咁多脫星爭住執導演筒呢？非正式統計，單係2015年，不論熟女定辣妹，每件上位脫星都話要進軍四仔導演界，無他嘅，有得威有得搵又可以為將來鋪路，何樂而不為，問題係有幾多可以捱得住呢？今期又有年度最佳熟女Kendra Lust話要自導自演，好心做好自己本分先，咪搞到不倫不類啦！
四仔界日日都變，以前脫星係脫星，除非紅到如Jenna Jameson呢啲級數先會一嘗導演滋味，事關當事人已係銷量保證，假如再將經驗同性幻想加入四仔內，相信會有更多火花，但呢一代完全相反，只要你係人氣脫星，就可以做導演，話之你係新人定熟女，仲有噃，部分搵夠上岸嘅脫星亦會借「轉型」導演為由，話就話繼續為四仔界貢獻，事實係霸住個位，繼續呃飯食，好似「蜘蛛女」Bonnie Rotten，又或者係表明為愛情唔同其他男人砌嘅Kayden Kross，仲有靠大籮打橫行嘅Alexis Texas，講演出當然「無懈可擊」啦！但製作四仔呢？市場反應認真一般囉！
又唔好以為脫星一定存心「借導演筒」呃飯食，好似剛啱宣布加入導演行列嘅熟女Kendra Lust，今個月派街四仔《Visions of Lust》全片由佢炮製。其實阿姐有苦自己知，年初捧走最佳熟女獎，挾住人氣同獎項，假如要再提升「層次」，實在好難再上，皆因四仔界冇資深脫星之分，因此熟女Kendra姐執導都係為勢所迫啫，更何況係咪佢拍，你知呀？
脫星撈埋導演一職無問題，但有幾多料一兩套四仔就見底，咁究竟現役四仔界有冇真正「演而優則導」脫星呢？梗係有啦，但共通點係唔會索同熟女嗰隻，首先不能不提嘅係Francesca Le，冇聽過？唔怪得你，事關阿姐堅低調，除咗上床拍片基本上任何公開場合都見唔到佢，唔玩視頻唔拍寫真，有位都畀新人出，咁嘅脫星萬中無一，Francesca Le個朵唔響，完全因為佢「老公」男優Mark Wood，傳媒話自2002年兩位結合，就成立LeWood Productions，有錢齊齊搵，其後更同Evil Angel四仔廠簽約拍片，系列特「色」係專追住脫星籮柚搞，咁巴打明白點解老公Mark Wood出名啲啦！另一位行內行外都非常尊重佢嘅Dana Vespoli，阿妹2003年落床砌，家陣43歲，由於堅持要有個人風格，喺2006年開始拍片，據iafd網站顯示，阿姐執導四仔已過百套，主打溫柔激情兼備，尤其女同更係拿手好戲。
令人又愛又恨嘅脫星導演非Stormy Daniels莫屬，阿姐係Wicked Pictures大家姐，一直好撐後輩上位，而佢每年總有十套八套執導四仔出街，但每套作品都係自己擔正，紅嘅永遠係佢自己，就如舊年AVN提名大作《Wanted》由頭都尾都係捧自己，難怪四仔迷踩佢自己揼錢捧自己啦！
女人拍四仔唔掂？未必，生於瑞典，但長居巴塞隆拿嘅色情片導演Erika Lust，歐美四仔迷都識，佢亦算係一位毋須起用主流脫星，但作品依然受男女四仔迷追捧嘅導演，事關Erika唔止係導演，仲係情慾小說作家，製片、攝影師，乜都識晒仲使乜靠人喎！而阿姐近年亦有官方網站lustcinema，純用素人拍四仔，唔比美國四仔失「色」呀！
撰文：祖