武林高手過招最重要係快狠準，咁先至可以一招制敵，之但係想一招就KO對手嘅話，普通招式係唔得嘅，反而使出奇招最有效！對於夜遊業嚟講，奇招固然係吸客好方法，不過有啲招式用錯咗，可能會帶嚟反效果！
今時今日有幾多內地人會去浴場沖涼呢？相信生意有幾好，大家都心裏有數，為咗增加生意額，一位浴場老闆就以色情服務加上管理技巧，令到浴場生意相當火旺。呢位58歲來自浙江嘅裘姓男子，喺湖南武漢開設浴場，搵嚟四名按摩技師專門提供色情服務。做生意嘅嘢要靠口碑，裘男深明呢個道理，於是搞咗個「績效評測」，即係由玩家對技師進行「考評」，當技師有劣評嘅話，就會被扣錢，藉以提升技師嘅服務，唔會求求其其。服務分為四種唔同套餐，收費由300至700元人民幣不等。據聞裘男喺開設浴場前，本身喺浙江任職銀行職員，故此對管理工作，尤其係客戶服務有相當認識。喺佢管理之下，嚟幫襯嘅玩家愈嚟愈多。不過正所謂樹大招風，早前浴場被查封，而裘男亦被拘捕。
喺台灣經營風俗場所係違法嘅事，負責人一經查獲刑責難逃，因此有風俗場所嘅負責人就諗出招數，避免人贓並獲嘅風險。話說台中有人利用天井式住宅大廈作掩飾，喺當中經營一樓一服務，佢哋睇中呢種住宅嘅原因，一來門禁森嚴，一般人難以入內，二來方便佢哋進行監視。之但係玩家又點樣上去尋花問柳呢？原來佢哋事先將大門嘅解鎖用感應扣，預先放喺特定嘅電單車腳踏嘅踏墊內，透過網絡以標榜「殘廢澡、輕功、毒龍」等淫招宣傳下，玩家可透過廣告內嘅聊天App號碼聯絡佢哋，之後便會告之玩家喺邊度搵出大門嘅感應扣，玩家就可以進入大廈，去到指定嘅房間同囡囡進行交易。由於隱蔽性相當高，每間房都設備齊全，每50分鐘嘅全套服務，收費只係2,800新台幣（約700港元），故自今年初開業以嚟，生意都相當旺盛。不過同樣係樹大招風，上個月場所被有關方面查封。
唔少夜場囡囡都會放相上網做宣傳，不過啲相僅作為參考，皆因大家都知道相片極大可能經過修圖。日本風俗孃亦係一樣，當玩家入店幫襯時就會發現相中人同真人有好大差距，因而導致不愉快收場。有見及此，一間位於東京涉谷「S」字頭嘅風俗店以純素人作招徠。所謂純素人有兩個意思，一個係指旗下風俗孃以前並無從事風俗工作，以凸顯佢哋嘅純情味道，另一個意思則係指店內風俗孃嘅相片無經過修飾，換言之，玩家喺網上見到佢哋嘅相片，同真人係一模一樣。據店內職員表示，佢哋對風俗孃嘅質素有信心，就算唔使後天加工，都可以挑起玩家嘅興趣，仲拍晒心口話唔少玩家激讚囡囡真人靚過上鏡添！
撰文：魂