故事發生喺男主角千原直人身上，而呢位美少年本身係日本首屈一指大財閥天城家中嘅副廚師長，某日家主夫人要求佢幫忙，原來夫人覺得就讀女校嘅獨生女咲夜，最近表現相當奇怪，於是想直人擔任學校嘅料理負責人，並從中監察咲夜嘅一舉一動。直人雖然覺得呢個任務充滿壓力，但係諗到可以喺女校工作時，卻又興奮無比，於是答應任務。點知總廚師長天道八雲話為咗方便喺學校行動，直人要化身成一位叫做朝倉千弘嘅女生，即係叫佢男扮女裝！大受打擊嘅直人想縮沙，但已經嚟唔切，惟有就範。究竟呢位好色之男，最終能否成功完成任務呢？
開發商：ensemble
售價：￥9,800（約HK$657）
發售日期：3月25日
撰文：魂