正所謂「天將降大任於斯人，必先苦其心智，勞其筋骨。」呢句說話用喺日本漫畫家結城焰就最適合不過，佢經歷過唔少挫折同鍛煉才得到今日嘅成績，喺成漫界佔一席位。佢推出過眾多作品，當中呢個長篇漫畫《PIPIRUMA!》最值得收藏。
現居於埼玉縣埼玉市嘅結城焰，早喺2004年從事插畫工作，直至近年佢先當上漫畫家，起初並非繪畫成人漫畫，而係繪畫少女漫畫，其筆下嘅角色都係清一色美少女同美少男。原來結城焰從事插畫工作時，曾經多次攜同漫畫作品到漫畫雜誌社自薦，可惜每次都被雜誌編輯婉拒，令佢印象最深刻嘅一次，就係有編輯同佢講：「不如以後專心喺插畫界發展，唔好再諗畫漫畫。」自此之後，佢決心鑽研點樣透過畫像嚟講故事，同時令漫畫嘅構圖更加好睇，經過一番努力後，終於喺美少女漫畫雜誌《漫畫Bangaichi》發表處女作品，可謂吐氣揚眉。
其後結城焰進軍成人漫畫界，憑住出色嘅畫功及情慾場面，先後喺成人漫畫月刊《COMIC MEGA》同《COMIC RIN》上連載作品，人氣愈嚟愈高。須知道日本成人漫畫界競爭相當激烈，冇番一定實力好難Keep到人氣，足見結城焰實力強勁。而自佢出道以嚟，先後推出過《我愛的只有你》、《夢想甜蜜蜜》、《Fresh Lovers》、《Love Poro Style》、《姊戀》等人氣作品。同時，佢仍不忘插畫工作，為輕小說《雙心的沙耶》繪畫插畫，又參與十八禁電腦遊戲《要、穿着圍裙！》嘅人物設計，氣勢可謂一時無兩！
講到結城焰嘅代表作，非《PIPIRUMA!》莫屬，呢本喺2011年推出嘅長篇作品，內容由7個章節組成，透過嚟自魔法王國嘅鹹濕王子，喺經歷眾多事件後，終於明白乜嘢叫做愛。話說魔法王國瑪姬麗娜莎嘅國王，雖然知道王子要透過曳曳先至可以獲取魔法，但仍不滿王子不務正業，成日同宮中嘅侍女搞搞震，故此將佢掉落地球，等佢好好修煉一下，直至佢收集到6個「愛」後，先至可以返回王國。跌落地球嘅王子喺大雨下徬徨無助之際，遇到一位拎住把遮嘅短髮巨乳美少女澤森優子，女方表示可以帶佢返屋企避雨，王子見優子樣靚身材正，加上冇地方落腳即時答應。
兩人沖完涼後，王子色心起，對優子發動攻勢，仲話將來同佢一齊返回王國。唔知道王子身份嘅優子以為係花言巧語，表示回不回王國都唔重要，皆因佢對王子一見鍾情。可惜，王子生性風流，好快就將優子拋諸腦後，只會喺對方身上攞着數。之後，王子以冒牌大學生身份同優子出入大學，經常喺優子面前溝女，因而令到優子相當不滿。
期間王子憑住讀心魔法同超強床強，先後為五個少女解決各種問題，包括令憂鬱少女世涼颯重拾勇氣、完成女同戀者寶條變成男人嘅願望、將蘿莉少女同成熟教授撮合成為一對、幫貧乳少女洸向暗戀對象示愛，以及幫助優子嘅好友小遙重拾生存動力。經過連串事件後，王子發覺自己最愛係優子，同時終於集齊6個「愛」，佢就帶優子返回王國，點知途中兩人發生誤會，究竟王子最後能否同優子大團圓結局呢？故事成功將情慾同愛情兩種元素合而為一，充滿波折嘅愛情更係睇得人相當揪心，值得一睇再睇。
作者：結城焰
出版：HIT出版社
頁數：206頁
撰文：魂