做運動有助減肥，但係有冇心去做運動就係一個大問題！至於點樣可以增強動力呢？正所謂開卷有益，梗係睇書啦！今日就為大家介紹石川戀嘅寫真集，見到佢身材咁弗，自然唔使做運動，都會促進血液循環。另一本情色工具書就話畀大家知，做邊種床上運動可以消耗幾多卡路里，係咪好吸引呢？
22歲嘅石川戀，憑住拍攝人氣小說《學年倒數第一Gal》嘅封面而廣受大眾注目，當中佢穿上校服，染晒金髮，打扮誇張，個樣仲「寸寸貢」，然而阿妹呢份野性味道相當吸引，佢加入寫真界後被稱為「倒數第一」。不過，石川戀嘅成績絕對唔係包尾，而係位列前茅，皆因阿妹天生一副美人胚子，氣質猶如仙女般脫俗出塵，身材更加婀娜誘人，胸前嘅D奶令男人愛不釋手，魅力超群！想感受石川戀嘅魅力，就要欣賞佢最新嘅寫真集《LOVE LETTERS》，為咗取得美景襯托迷人身段，阿妹同攝製團隊飛到夏威夷，換上大量性感鮮艷嘅三點式及內衣演出，更加會赤裸上身大露波邊同滑溜玉背，十分吸睛，相信呢次石川戀可以由不良辣妹大翻身。
父親娘親不及老闆親？為咗簽單，上床甚至滿足任何要求都願意！呢本情慾小說《Into the Fire》講述敗家仔Ash，由於家道中落變得生性，出嚟社會打工，將所有積蓄都攞出嚟還債，無奈兩老依然不滿，甚至認為佢貪威識食，Ash堅持血濃於水，即使再辛苦都唔緊要。有日，Ash察覺到父母根本唔需要佢，因而性情大變，發現原來世上所有嘢都係假，人和事都會因為金錢而變質，人生在世只有錢才值得追求。自此Ash做事不擇手段，為咗簽單同女客戶上床，成功後更令佢有信心靠色相搵錢，愈簽愈多單，縱使身邊人笑佢係舞男，但Ash只覺得自己係一名演員，因為由始至終都係假，高潮係假，感情係假，只有坐在梳化數銀紙一刻係最真實，Ash如進入無人之境，陪客被玩，得到錢後又再買笑，無奈興奮過後，夜闌人靜回想起今日所擁有，都係父母當日所為，究竟Ash會繼續錯落去定選擇收手呢？
書名：《Into the Fire》
售價：約HK$78
做運動有助健康，包括床上運動。韓國醫學博士兼性科學研究所所長李允秀指，性愛其實係一種維持美好體形同健康狀態嘅優良運動，佢嘅著作《性愛是最完美的瘦身法》，就為大家分析同介紹點樣透過令男女心跳加速，同埋興奮無比嘅性愛，從而達致瘦身同健康嘅目的。李允秀自1997年開始，致力研究男女間健康正確嘅性關係，並確信性愛會使人體分泌有助瘦身嘅賀爾蒙，而激烈嘅肢體動作亦能夠消耗熱量。據佢研究指，性愛嘅卡路里消耗量，比運動更加值得期待，例如激烈擁吻可消耗12卡路里、10分鐘愛撫能消耗50卡路里，而進行一場激烈性愛更能消耗300卡路里添！此外，書中介紹48種瘦身體位，例如人魚體位，每5分鐘女性能消耗30卡路里，而男性則為35卡路里，瘦身重點係男女嘅腿部及男性嘅手臂。想瘦身嘅朋友，值得一睇。
書名：《性愛是最完美的瘦身法》
作者：李允秀
譯者：邱淑怡
售價：HK$70
撰文：賢、祖、魂