繽紛情慾果然鹹濕

日日大魚大肉,身體容易出問題,想身體健康最重要係飲食均衡,食多啲水果就最好。大家有冇諗過,原來水果及Fruit同唔少情色俚語及AV有關呢?唔知唔緊要,依家即刻話畀大家知!

情色俚語:Fruit 水果暗示

Fruit係水果嘅意思,原來喺情色俚語中,卻並非水果咁解,而係解做男同性戀,Fruit-Cake亦係相同意思,不過兩者都係貶義詞,所以大家千祈唔好亂用。至於,Vegetable就係解做女同性戀,同樣係貶義詞,而同性戀男女嘅聚會就被稱為「Mixed Fruits and Vegetables」。之但係點解會同水果及蔬菜有關呢?咁就冇正確嘅解釋,但姑勿論出處係點,總之用貶義詞嚟稱呼人就絕對唔啱,大家要記住啦!

玩樂辭典:Fruit Juice 另類果汁

喺AV中男女脫星演出床戰時,男方好鍾意請女方飲Fruit Juice,而女方亦顯得津津有味。不過大家咪以為係飲果汁,喺情慾世界中,Fruit Juice有另一個意思,就係指精液。此外,Jelly Juice、Joy Juice、Love Juice等,都係精液嘅暱稱。大家都知道果汁含有營養成分,咁呢啲另類果汁係咪一樣呢?精液含有精氨酸、激素、多種維他命、膽鹼鋅及鈣元素等50多種物質,雖然營養成分豐富,不過相信冇人會想試囉!

美國四仔系列:《Le Fruit Défendu》 禁忌果實

呢套由法國成人片廠Colmax喺1983年推出嘅劇情四仔《Le Fruit Defendu》,由著名四仔導演Jean-Luc Brunet執導,搵嚟法國脫星Patricia Violet、Helene Shirley、Christine Glenne等演出,戲味濃郁,配合浪漫情慾元素,成為四仔界嘅經典作品。故事講述時裝攝影師Armand,妻子Laura因交通意外身亡,之後佢就返家鄉過退休生活,希望可以忘卻愛妻逝去嘅傷痛。過住隱居生活嘅佢,某日遇到純真又迷人嘅少女Tessa,少女激情嘅慾望,遇上成熟嘅Armand,喺乾柴烈火之下,慾火一發不可收拾。

日本AV系列:彩美旬果 D奶魅力

日本嘅水果好食係人都知,喺AV界有位女優同樣有好多人鍾意,佢就係彩美旬果。呢位喺2012年出道嘅女優,憑住一對33D巨乳及迷人樣貌而備受注目,演出嘅AV作品獲得佳績。除咗演技了得,阿妹嘅舞藝亦出色,成為女優跳唱團體「PINKY」嘅創隊成員。喺2013年佢宣布暫別AV界,幸好休息3個月後就復出拍戲。而2014年可謂彩美旬果嘅事業高峰期,獲得DMM成人賞最優秀女優獎、朝日娛樂AV大賞寫真偶像獎、GRAPHIS賞第一名及Amazon注目人氣冠軍。同年,佢推出寫真集《Fresh Fruit 彩美旬果》,獲得理想銷量成績。2015年佢成為日本情趣用品MEN'S MAX系列嘅代言人,同年9月成為日本AV女優偶像組合「惠比壽麝香葡萄」嘅隊員。如此出眾嘅成績,足證佢嘅人氣有幾咁厲害!

撰文:魂