四仔界冇真朋友？合理吖，同行如敵國，況且要喺比賽爭勝，就肯定連阿媽都冇面畀啦！講緊係早前Digital Playground一年一度嘅「DP Star Season 2」，雖然呢個比賽先至第二季，但火藥味相當濃，上一季已傳各大參賽脫星反晒面，不過未知係咪老闆出手封口，姊妹先唔夠膽爆響口。
今屆出爐新星由Aria Alexander贏嗰些少，本來好值得恭喜，可惜網友從來報憂不報喜，硬係鍾意挑囡囡負面嘢講，就好似比賽至最後直路，得番Aria Alexander同Alix Lynx之爭，各界以為佢哋姊妹情深，喺鏡頭前攬頭搓咪，鏡頭後又玩自拍，點知佢哋係做戲，消息話金毛嘅Alix Lynx參賽以來，一直都睇黑毛嘅Aria Alexander唔順眼，無奈知道自己氣勢唔夠人強，為咗博見報先忍住扮Friend，而更估唔到嘅係決賽對手就係Aria Alexander，兩件女焗住要齊齊宣傳兼拍床戰，真係火都嚟埋，更揚言比賽後唔會再同對方同床喎！
Alix最終落敗，而Aria Alexander則成為DP合約脫星，大把世界，你話邊個唔同邊個合作呢？
撰文：祖