幾家香港骨場的春茗都推到二月底才食，問原因，一是不爭大熱檔期消費較相宜，二是要到這段期間囡囡才較齊人，「依家啲場女多數都係新移民，過年返鄉下就例牌o架啦。」這晚是旺角一家中型骨場的春茗宴，在同區一家酒樓設宴7、8桌，場面不算盛大，但招呼員工及他們的家人，以至一些長期的合作夥伴，更像一頓老友飯局，「其實大家都知道，呢行根本愈做愈縮，好多老細早就有其他生意，你唔識轉彎就睇吓幾時被淘汰。」坐我身邊是這家場的經理，喝了酒，他的嘮叨特別多。
「呢行係夕陽工業嚟o架啦，唔到你唔信，單單睇依家愈來愈少後生女入行就知啦！」的確，一來，原來的囡囡原產地：內地近年的貨量是少了很多，二來，想搵快錢的後生女誰會選擇做骨女？要按摩、要調情，有些還要做大餐，人客埋單才收得500元左右，還要跟場所拆帳，計一計數，都知他們這行實在沒甚麼吸女的能力。「你都應該仲記得吖，以前我哋做場嘅，邊個地方都好，時不時都會搞吓活動，宣傳吓，吸吓客，依家都無晒啦，呢個行業嘅前景，唉……」經理說。
撰文：黃韋龍