正所謂色字頭上一把刀，之但係好多男人因色迷心竅而中招。台灣有間歷史悠久嘅私娼寮，裏面全部都係上咗年紀嘅囡囡，最近終於逃唔過被拆除嘅命運。日本最近興起超熟女風俗店，唔知大家有冇興趣呢？
以前北上玩樂，除咗驚畀人捉外，亦怕遇着天仙局被人屈錢。不過大家咪以為只有香港人先至係被屈嘅目標，查實內地人亦係佢哋嘅搵食對象，廣州天河一位年過80歲嘅鄭姓老伯就遇着咁嘅情況。話說早前鄭伯認識一位黃姓女子，受女方邀請上去佢屋企坐，色迷心竅嘅鄭伯於是去到黃女位於天河龍洞村嘅一間出租屋。當鄭伯一入到屋，黃女即刻拉佢入房，快手快腳除咗鄭伯嘅外套，呢個時候有三名男子衝入嚟，有人將一包白色物品拋喺地下，佢哋自稱係警察，其中一人拎出手銬稱鄭伯「嫖娼販毒」，而另外兩人則煞有介事咁拍攝現場同做筆錄，聲稱要拘捕鄭伯。驚到面青嘅鄭伯跪地懇求，對方表示只要畀罰款60,000元人民幣就冇事，結果鄭伯去到銀行提款並交錢畀對方。事後鄭伯覺得有可疑，於是去報警，經警方調查後，將呢個由三男一女所組成嘅犯罪集團拘捕。
須知道台灣經營風俗場所係違法，但係有間私娼寮卻存在咗幾十年歷史，直至早前才被拆除。呢間艷名已久嘅私娼寮位於高雄市鳳山區立志街，當地人稱佢做「下菜園」，話說佢起源於早期沿曹公圳溝搭建嘅工寮（類似工人宿舍），因鄰近鳳山兵仔市場（軍營大量採購物資地點）而興起。不過隨住時間變遷，當中嘅娼妓都已經上咗年紀，只係為咗搵食仍喺門外拉客，而服務對象以中下階層同上咗年紀嘅男人為主。由於私娼寮附近早變成公園兼且人口愈嚟愈多，唔少居民擔心因此而被騷擾，因此警方經常進行取締行動，直至上個月終於採取大型行動，將整間私娼寮拆除，唔少民眾都讚好，而呢間充滿傳奇嘅地方從此成為歷史。
雖然唔少人都覺得熟女別有一番魅力，亦因此日本嘅熟女風俗孃受到唔少玩家歡迎，但係如果話畀大家知，有間超熟女風俗店嘅風俗孃不但年紀大，質素仲麻麻，唔知大家覺得佢哋有冇市場呢？答案係有，仲相當受玩家歡迎添！呢間位於日本鶯谷名叫「即19妻」嘅出張風俗店，咪以為19係代表店內嘅囡囡19歲青春貌美，相反係風俗孃個個都有番咁上下年紀，而佢哋嘅賣點，除咗係夠晒成熟之外，更提供即尺服務，所謂即尺，係喺未沖涼嘅情況下，風俗孃先替客人吹奏一曲，因而吸引一班好此道嘅玩家捧場。不過咁都未算吸引，最重要係以優惠價提供雙飛服務，玩家只需畀24,000日圓（約1,656港元）就可以享受得到，難怪大受玩家歡迎啦！
撰文：魂