露半球誘惑

形容人傲氣逼人，可以話霸氣側漏，而今次介紹呢個最新登場嘅模型應該可以稱佢為美乳側露！嚟自日本人氣手機遊戲《殺戮魅影》（Phantom of the Kill）中嘅女角色Laevateinn，以北歐神話中豐饒之神Frey嘅佩劍而命名，而佢亦手持巨型佩刀作為武器，造型相當有霸氣。此外，呢位迷人美少女帶有幾分病態美，而長靴糅合樹枝嘅元素，襯埋一對修長美腿，極之吸引。模型另一個焦點，就係佢大開側門嘅戰衣露出大半球，誘惑度爆晒燈，勾起人無限幻想空間，比大開中門更加誘人，試問有邊個男人能夠抵擋住呢？