雖然話女士們難以從交歡中得到高潮，甚至有女人一生都未嘗過高潮，不過研究就發現女人要高潮唔難，有技巧的話可以引爆連環高潮。提到高潮，到底係咪一定要靠男人又粗又長嘅架生至得呢？原來又唔係喎。所謂各處鄉村各處例，地方文化不同，性生活習慣亦有所不同，今日就嚟睇睇英倫三島嘅性文化。
男人頂天立地，天不怕，地不怕，只要有決心，冇事情係做唔到嘅！只可惜身體機能所限，有時真係心有餘而力不足，高潮過後難以於短時間內再次抬頭。女人就唔同喇，佢哋可以喺一次交歡當中經歷多次高潮，上天有時就係咁唔公平。早前英國一位叫Debby Herbenick嘅博士搵來1,000名成年女性協助調查，發現有47%嘅受訪者試過喺一次交歡中享受到多次高潮，而呢批咁幸運嘅女士當中大部分表示第一次高潮之後，要轉用其他技巧刺激身上敏感點就會增加觸發第二次高潮嘅機會。博士表示原因係高潮過後，該部位嘅敏感度會出現短暫性下降，咁就要轉移陣地向其他敏感點進行慢而有序嘅刺激，提升觸發第二次高潮嘅成功率，嘩！學到嘢喇！
好多男人對自己胯下嘅好兄弟欠缺自信，擔心滿足唔到女伴嘅需要。英國早前就有大學透過3D打印技術，製造出過百款不同長度及粗幼嘅膠製棒棒，給予75位參與研究嘅女性評分，結果發現佢哋喺一夜情同長遠關係嘅需要都有所分別。如果係一夜情對象的話，佢哋嘅理想小弟弟尺寸平均長度為6.4吋，圓周為5吋，至於長久發展對象方面，佢哋就希望尺寸平均為6.3吋，圓周為4.8吋，點解會有咁嘅分別呢？負責研究嘅Nicole Prause博士表示享受一夜情係想尋找刺激，更長更粗壯嘅架生自然可以達到目的，之不過太粗壯嘅架生則喺交歡期間為女方帶來更強烈嘅痛楚，甚至有撕裂嘅感覺，故只會偶一為之，長遠計都係會揀個冇咁巨型嘅男伴為佳。
最近有位早年移居蘇格蘭嘅朋友回港探親，當然順道約埋班豬朋狗友開個酒局聚一聚啦。席間呢位朋友大讚當地環境冇污染，認真地靈人傑，叫我哋得閒飛過去玩，本來我都冇乜興趣，但係睇完呢份調查報告之後，令小弟心郁郁。早前有網站就英倫三地多個不同地區進行有關市民性生活習慣嘅調查，倫敦方面，約有15%男女每日都會做愛一次，倫敦女仔大部分都鍾意用手機交友程式玩一夜情。至於威爾斯，58%受訪女性鍾意喺交歡時用情趣玩具，而佢哋平均一年內至少會發生3次以上一夜情。而喺蘇格蘭，75%男士會喺交歡時同女伴玩綁繩，45%女仔每日都會做愛一次，睇嚟蘇格蘭女仔都相當好「性」，飛過去玩番轉應該有運行喇。
撰文：賢