科技嘅嘢，細佬真係識條……咩！當仲停留喺用Mouse睇鹹網年代，嗰啲乜乜乜虛擬實境色情（Virtual Reality Porn）經已賣到成行成市，業界同網友都話試過返唔到轉頭嗰陣，細佬都係得個呆字咋！
早前AEE美國成人娛樂博覽，參展商大力推銷VR產品及服務，亦有學者開座談會分享，虛擬實境將色情更上一層樓（Virtual Reality Takes Porn 'To The Next Level'），有報道仲話，雖然未有數據顯示VR色情娛樂最暢銷，但從入場者反應所見，VR色情喺今年一定大爆特爆喎！啱嘅，返到40年前男人想睇鹹嘢要去戲院靜雞雞睇，跟住錄影帶嘅出現先可以匿埋屋企爽，至互聯網普及，全球超過2,500萬個鹹網，無論何時何地打開手機就有得睇，真係好方便嘅，而今日VR色情賣點除咗係實境，仲要夠互動，雖然欠缺「真實」感受，之不過鏡頭前嘅伴侶絕不會拒絕你，要滿足晒閣下所有性幻想，絕對不是夢，巴打都係時候學吓嘢，淫上一層樓喇！
不過，睇嘢唔好咁表面，VR色情的確可滿足個人需要，但變相令脫星演出機會大減，正如討論區上有網友話，部分二線脫星或新人更少演出機會，因為巴打唔會再花時間去睇新女，一埋位就想解決，再者「虛擬脫星」甚至可取代真人脫星，變相色情行業愈嚟愈唔需要真女喎！
撰文：祖