新年期間好多人都祝我步步高陞，快啲升職加薪，老實講我本身不求上進，升唔升職都冇所謂，但求穩穩陣陣就已經相當好，當然仲要公司業績好，人工自然可以多多益善，加得愈多愈好啦！提到人工，我就有少少想轉工，唔係公司對我唔好，而係見到歐美四仔人工相當理想，搞到我都想撈埋一份，做男優我就冇咁嘅資格，但係做個編劇都唔錯呀！
做生意嘅老闆個個都想貨如輪轉，至於作為一位尋常嘅鹹濕仔，我亦一樣希望貨如輪轉，我係指喺歐美四仔界演出嘅脫星可以愈來愈多，多到眼花繚亂，最好多到我再記唔清邊個打邊個就最好喇。老實講，近年嚟計，小弟有時都記唔起睇過嘅脫星叫乜名喇，唔係因為自娛過度搞到蛋白質缺乏，繼而令大腦欠缺營養出現記憶力衰退，而係脫星愈出愈多，呢個時候相信大家同小弟都有一個疑問，就係拍四仔係咪咁好搵呢？家陣就同大家嚟個四仔大揭秘，睇完之後大家應該了解到四仔界真係幾好搵。我哋先睇歐美四仔脫星嘅收入，一般叫做薄有名氣嘅脫星拍一套正常嘅一男一女四仔，人工就有800至1,000美元！即係最多有成七千幾港紙喎！如果係名氣十足嘅脫星，好似Bonnie Rotten呢位咁出名又得過獎嘅紋身辣妹，人工可以達到1,800至2,500美元。之不過，咁高嘅人工當然唔係新人可以擁有，初入行嘅脫星人工可以低見300美元咋。
現代社會提倡男女平等，女士們都可以做到男士們做到嘅工作，之不過有時就會出現同工不同酬嘅情況，女士擔當相同嘅工作，同職級收入可能會比男士低，然而情況喺歐美四仔界就剛好相反，男優收入就比脫星為低喇，呢一點我覺得相當唔公平，以戲講戲，喺一場床戲，大家通常都見到男優用盡九牛二虎之力搶攻，而且仲要控制喺一定時間內唔可以發射，所需嘅精力同專注力的確唔係講笑。講咗咁耐，拍歐美四仔嘅男優人工有幾多呢？咦！原來都幾理想喎！正常男優一場床戲收取500至600美元，大約都有三四千幾港紙，靚女做床上對手，福利絕對唔差，激戰完仲有人工收，都算係相當着數喇。而成名嘅男優人工再高少少，有700至900美元，至於巨星級男優如Mick Blue同Manuel Ferrara就可以收到1,500美元，有時甚至更高，一個月悠悠閒咁拍4套就有四萬幾港紙人工，買車買樓都好輕鬆。
要拍得成一部四仔，除咗要有男女演員，仲需要好多幕後工作人員，咁佢哋嘅收入又理唔理想呢？個人認為相當唔錯，起碼一定可以養妻活兒。先講化妝師，佢哋工作一日收費500美元，即係三千幾蚊港紙一日，不過有唔少化妝師就會每組戲收100美元，因為咁樣自由度較高唔使跟住套四仔團隊成日，做完一組可以做其他工作。而攝影師人工就每套500至700美元，有影像當然要有音響，負責音響工作人員嘅人工每套四仔收300至400美元。眾多幕後工作人員人工唔算高，最高嘅就係導演，每套四仔起碼收1,500美元，有時更高達3,000美元！人工仲高過頂級脫星，點解呀？導演嘅功夫除咗係一部四仔嘅靈魂，唔少四仔迷都好崇拜四仔導演，當佢哋係一個品牌咁追，另外四仔導演好多時仲係四仔製作公司嘅老闆，人工梗係有咁高開到咁高搵多啲着數啦！
頂級脫星 $1,800~$2,500
一般脫星 $800~$1000
新人脫星 $300
巨星男優 $1,500
知名男優 $700~$900
一般男優 $500~$600
導演 $1,500~$3,000
攝影師 $500~$700
化妝師 $500（日薪）
音響人員 $300~$400
撰文：祖