因為生意麻麻，經理B趁假期前索性拉了幾個囡囡出來做私幫生意，在一家中型賓館拿了個客房，就Call客上來幫襯，「依家有App，同客人溝通係好方便嘅，而且客戶平時都跟我有聯絡，所以啲客通常都跟番我哋嘅。」骨場生意不好，當然跟已經持續了一段時間的掃蕩有關，客人上去當然有危險，隨時被消失十幾日，在場所中日日上班的一樣人人自危，經理們當然怕，小姐們尤甚，因為她們通常站在最前線，而且一旦落網，往往是在衣不蔽體的情況下……但怕還怕，始終還是要搵食的。
「我有個老鄉都出咗事，咁點啫，咪一樣要做！」經理B說，他的這位老鄉也是在一家波推場工作，於上年11月出事之後，到今日還未出來，「唉，總之呢行嘅辛酸就非外面嘅人所能明白，原本想搵多啲錢過年，結果，佢屋企人仲要掉番轉頭周圍撲水去幫呢位老鄉疏通，如果唔係喺裏面，真係無啖好食o架！」經理B說來滿是唏噓，但這邊廂，卻自組陣營，每日忙着在手機上拉客，「咁都係嗰句，都要搵食o架，最多小心啲，咁我主要做熟客生意，叫做無咁大風險囉。」
撰文：黃韋龍