2016「最幸福脫星大獎」得主係？Sorry，分獎禮冇呢個獎，不過喺四仔迷心目中，Anikka Albrite冇得輸啦！點解嘅？皆因呢位淫娃實在太爆，自舊年史無前例成為四仔界「三冠王」後，其後喺業界打橫行，返工執劑既係自娛，同時係晒幸福，愈晒愈旺，雖然失意獎項，但無所謂啦，有錢有面有老公錫兼有人撐，人生如此仲想點？
從一張相可見Anikka Albrite雖然喺XBIZ最佳脫星獎輸咗畀「好姊妹」Dani Daniels，不過Anikka完全唔介意，賽後仲拉住Dani妹合照晒奶兼露籮笑騎騎恭喜對方，巴打覺得好假？一啲都唔假，當你睇番過去一年，Anikka妹攬晒AVN、XBIZ及XRCO Awards三大最佳脫星大獎後，成為脫星史上第一人，喂，攞多次自己都未必記得啦！
對Anikka嚟講，個人最光輝時刻已出現，而對四仔迷嚟講先啱啱開始，因此賽前各界都（目及）實Anikka，預測阿妹會好緊張，好期待等冧莊，結果咪錯囉！分獎禮當晚阿妹不知幾從容，攬住老公Mick Blue滿場飛，抱完又錫，錫完又抱，唔講仲以為佢係大會主席，咁事實佢都係今屆女司儀之一，上到台就拍住Joanne Angel大講有味笑話，表現不過不失啦！究竟阿妹着緊啲乜？咁梗係佢同老公Mick少間四仔製作室BAM Visions啦，公司成立一年未夠，喺剛過去呢一屆已有5項提名，喂，大雞唔食細米，公司搵到食先有老闆繼續「開水喉」，個人榮耀嘅嘢放埋一邊啦！而Anikka亦好醒目，喺AVN分獎禮嗰個星期，刻意安排活動密到插針到插唔入，連續三日喺AEE性博覽滿場飛，12點喺Adam & Eve，2點喺AVN，5點喺Holo Film Prod，7點喺Evil Angel攤位，咁好死同粉絲接觸？咪傻啦，其實係同各大老闆打好關係，希望更多人投資佢間公司，藉此完全脫離四仔廠Evil Angel，自己發大嚟搞咋!
Anikka Albrite任何一個社交網都有廿幾萬粉絲，人氣贏盡，四仔事業又穩定，喺舊年又同Mick Blue拉埋天窗，佢哋更約法三章婚後繼續各有各做，吸金能力不相伯仲呀！最抵死係呢對四仔夫妻結婚都唔放過，畀Erotica X開拍《Eternal Passion Vol. 4》，拍四仔兼影埋婚紗相，抽水抽到盡呀！Anikka眼見四仔迷唔抗拒甚至力撐，佢亦開始變本加厲，尤其喺社交網瘋狂晒幸福，每日總有十張八張同老公合照，連兩個人肉麻短訊都唔怕公開同你分享，完全當四仔迷冇到！
Anikka Albrite去向多人留意，另一項多人關注係佢副身家，事關一位入行5年未夠就彈得咁高嘅脫星，吸金能力一定好強，可惜從未有人流出阿妹幾錢片酬，但喺Vipfaq一個八卦網站就顯示，Anikka個人資產包括股票、物業，遊艇，甚至連私人飛機都有，保守估計擁有高達3億9千萬美元，嘩！成30幾億港紙，阿妹仲唔係全球最幸福脫星咁邊個係？
撰文：祖