飲酒可以令心情放鬆，亦有可能令人亂性，英國一個調查就發現逾三分之一受訪者嘅第一次都係喺飲醉酒之下發生。師兄們成日都話車展多嘢睇，喺日本一個車展的確除咗多靚車睇，仲有好多靚女睇！好多情趣用品都係畀男女自娛玩樂，有調查就發現上年度男女自娛嘅密度較高。
酒乃穿腸毒物，其實飲得酒多唔單只傷身，少女們如果飲醉酒，分分鐘失咗身都唔知，最後搞出人命，到時真係徬徨喇。之不過，好多拍拖經驗同性經驗尚淺，甚至係零經驗嘅朋友好多時都係因為兩杯到肚，令緊張心情放鬆，又有云酒能壯膽，令佢哋成功向對方表白繼而結成佳偶，小弟我成日都飲大咗至夠膽向女神表白，雖然最後都係畀人拒絕，但係至少知道答案，可以放下心頭大石再追另一位女神嘛。英國網站Match.com早前就對飲酒同性行為進行過一次調查，發現有73%受訪者認同飲酒可以幫助佢哋追求異性，同時就有超過三分之一受訪者表示自己嘅第一次係喺飲醉酒之後發生。另一方面，受訪男性喺完全清醒時發生性行為嘅比率佔47%，女性受訪者則有36%，換言之兩者大部分都係喺受酒精影響之下進行性行為，睇嚟英國人真係幾鍾意飲酒助性喎。
早前中國唔少車展都引來一群又一群嘅麻甩佬到場，雖然男人的確係好鍾意車，之不過唔少男士到場其實只係為咗睇女，因為車展唔少展商為咗吸引人注意，特別請來火辣誘人嘅車模撐場，而呢班車模為咗出位好多時都着得好性感，大露豐乳肥臀！結果有關當局下達禁令，唔畀車模賣弄性感，火辣車模已經收斂晒。幸好，另一邊廂嘅車模就完全冇令大家失望，我講嘅係早前喺東京舉行嘅東京改裝車展呀！呢個喺幕張展覽中心上演嘅車展一如以往有大量靚車展覽，A字頭汽車品牌一如往年咁請來大量車模，不過今年佢哋嘅車模就艷壓全場，吸盡男士目光，原因係班車模全部換上透視裝上陣，兼且搔首弄姿，引起全場哄動，相機閃個不停，如果大家想回味一下當日班車模嘅艷光，Click上https://www.youtube.com/watch?time_continue=3&v=AY0iFvMXoxQ睇睇啦。
俗語話有老婆溫大髀，邊個想食自己，但其實家陣好多已婚男士都會喺空閒時間自娛一番。至於單身男女，當然亦會靠自娛去宣洩慾火啦！不過，到底佢哋幾耐先要自娛一次呢？外國一個叫OkCupid嘅約會網站，早前就進行過一項調查，受訪嘅網友每日自娛至少一次嘅有23.6%，每周起碼自娛兩三次嘅就佔最多數有51.3%，至於一個月自娛多次嘅則有16.9%，另外一年只係自娛數次嘅就有8.2%。而網站話按受訪人士以及自娛比率嚟計算，大家自娛嘅次數比以往嘅調查數字多出18%！原因可能係大家思想開放咗，有慾火時唔會勒住自己，亦與色情資訊普及有關，當然與大家樂於享受單身生活亦不無關係。
撰文：賢