想喺競爭激烈嘅日本成人漫畫界出人頭地，除咗要講求畫功好同古仔夠香艷外，更要有至少一項專長，咁先至可以滿足到要求愈嚟愈高嘅成漫迷。作為大師級漫畫家世徒結城喺業界地位非比尋常，佢嘅作品更係備受推崇，好似今次介紹呢本作品《Allargando》正係其中之一。
有曾經睇過世徒結城作品嘅成漫迷表示：「講到世徒老師嘅漫畫，就係有着絕對嘅畫功，還有密集嘅吹奏畫面，不但貫穿整個作品，當中汁液橫飛嘅場面更係精彩……而充滿着妖艷嘅女性角色，令讀者嘅身體就算喺夢裏亦會持續幻想呢！」然而，呢個咁高嘅評價，只係反映出早喺2002年出道嘅世徒結城部分優點咋！出道以嚟，世徒結城以成人漫畫月刊《COMIC MUJIN》同《COMIC 夢幻轉生》作為發表作品嘅基地，佢筆下嘅角色非常生動，加上豐富嘅表情，令人睇得更有立體感。另一個特色就係佢筆下嘅男主角都係外形唔起眼，而且性格有缺憾，但卻經常吸引到樣靚身材正嘅女主角主動獻身，艷福無邊，實在令人羨慕又妒忌。
深受成漫迷歡迎嘅世徒結城，喺2002年推出嘅處女作品《Stringendo》，及喺2004年推出第2本作品《Accelerando》合計錄得超過32萬本嘅銷量，再加埋喺2008年推出嘅第3本作品《Stretta》，截至2009年4月為止，總銷售突破58萬本，成為有史以嚟單一成漫家作品總銷量之冠，而呢個銷量數字更被成漫界稱為史上第一人！雖然世徒結城得到驕人成績，但佢曾經短暫離開過成漫界，好彩喺2008年4月佢終於回歸，並喺《COMIC MUJIN》上發表單元作品，着力喺同人漫畫界發展。及至2014年8月推出第4本作品《Allargando》後，世徒結城轉向成人遊戲界發展，當時令到唔少成漫迷感到愕然，亦有人認為佢可能好似上次一樣，好快就會重回成漫界，只係一直至今佢仍未有回歸迹象，難怪唔少人都認為《Allargando》應該係佢嘅告別作。
由於世徒結城告別成漫界關係，故此《Allargando》更具收藏價值之餘，內容更係相當精彩，收錄咗喺2009年至2013年期間於《COMIC MUJIN》上刊登過嘅10個單元故事，包括《BOOKMARK 0》、《BOOKMARK 1》、《BOOKMARK 2》、《姬和烏鴉 前篇》、《姬和烏鴉 後篇》、《LEVEL - C》、《LEVEL - C MAENAS》、《375》、《雨森的槍》及《雨森的周末》。呢本作品最大嘅特色就係所收錄嘅作品，都係題材較為灰暗，若然唔想睇啲咁灰嘅故事，《BOOKMARK》0至2嘅3個連篇故事就最適合不過。
故事講述擁有巨乳身材嘅小安喺一間叫「Dolce」嘅女僕按摩店工作，佢一般只會提供採耳同按摩服務，唯獨對其貌不揚嘅男主角小井出唔同，每次都會為對方玩手作仔。至於喺DVD租賃店工作嘅小井出唔明點解小安會對佢咁好，但為咗答謝小安，佢每日都努力工作。那邊廂，原來小井出嘅型男同事佐竹同樣睇中咗小安，並且向女方展開追求，小井出固然唔知道呢件事，而小安亦唔踢爆，只係每當小安聽到小井出表示好羨慕佐竹嘅外形時，都會令佢相當不滿。有日，小井出去按摩店搵小安，小安借屋企附近治安唔好嘅藉口，要求小井出陪佢返屋企，小井出亦一口答應。咪以為孤男寡女共處一室，兩人會有連場肉搏戰，原來小安只以玉手同巨乳令小井出連番發射。
過咗冇耐，小井出同佐竹喺街頭偶遇派傳單嘅小安，佐竹聲稱小安係佢女朋友，更表示兩人經常曳曳，令小井出大受打擊！小安知道佐竹亂噏，從後追住失落嘅小井出，強拉對方到時鐘酒店開房，並終於讓小井出真箇銷魂。
作者：世徒結城
出版：MUJIN COMICS
頁數：226頁
撰文：魂