男人喺進行床戰時都鍾意聽到女伴嘅叫床聲，咁先至顯示出女方真係享受箇中樂趣，不過有研究話女人叫床好多時只係為咗令男人興奮。另外，成年男人都喜愛巨乳妹，但事實上男士們係咪真係對巨乳樂此不彼呢？睇鹹片通常都係為咗尋開心，一邊睇一邊自娛，早前有鹹網就統計多個國家嘅網友睇鹹片嘅時間，從而推斷出佢哋自娛幾耐至會爆發。
睇戲最緊要係有聲有畫，而睇鹹片更加一定要有畫面，同時將音量放大，聽住男女優響亮嘅肉體撞擊之聲，再加上女優銷魂蝕骨嘅叫床聲咁至夠興奮！若然女優粒聲都唔出，興奮度勢必大為削弱。其實女仔嘅叫床聲的確有效令男人興奮無比。一個研究搵到71位年齡平均為22歲嘅女仔協助，發覺佢哋透過自娛或前戲嘅時候都可以獲得高潮，但係就好少會叫出聲，至於發出叫床聲嘅時候，通常都係男方就快發射，又或者係發射嘅一刻。專家表示從中可以了解到女仔叫床未必係表達自己享受其中嘅表現，反而係為咗滿足男方，令對方成功到達高潮。另外，專家補充話，女人叫床同時代表內心確立咗自己嘅性別定位，亦係一種表達對對方信心嘅表現之一喎。
每個國家民族因為血統不同，遺傳基因不同，加上其他因素，身體素質都有相當大分別，好似歐美人同非洲地區人士咁，男性嘅下體普遍比亞洲地區人士宏偉一點。但係大唔代表有用嘅，要成功喺床戰當中取悅到女方，技巧同持久力一樣相當重要。有關各國男士嘅床上持久力暫時就未有人着手去研究，但係國際知名嘅鹹網Pornhub就進行過一個有關男士自娛嘅統計，可以有助大家了解男士們嘅持久力。結果發現自娛時間最長嘅係菲律賓人，平均時間為12分鐘45秒；美國人就係9分鐘51秒；英國人為9分鐘18秒，至於自娛時間最短嘅係古巴人，平均時間只係5分鐘11秒。香港人出名乜都要快，如果Pornhub可以統計埋香港人嘅時間就好喇，我都想知香港人係咪自娛都會快啲。
小弟係一個狂熱巨乳迷，每逢見到巨乳女都會流晒口水兼眼定定望到實，而身邊嘅年長朋友就表示我仲後生鍾意睇胸，但係隨年紀增長，口味就會轉變，好快就會由睇胸變成睇股喇！小弟我就唔相信自己對於胸部嘅熱情會因為年紀大而改變，不過喺日本一個調查卻顯示，十來歲以及三十來歲嘅男士都覺得胸部唔重要。該調查訪問咗1,994位成年男士，目的係想了解一下佢哋嘅戀物癖好，睇吓佢哋鍾意女仔身上邊一個部位。調查將受訪者分為十來歲以及二十到三十來歲兩個組別，前者最鍾意係女仔身上嘅肌肉，其次就係頭髮同腳；後者最鍾意女仔嘅屁股，其次就係雙腳，可見年輕一輩都唔多重視女仔嘅胸部，亦唔使上咗年紀先識得欣賞女仔一雙玉腿，睇嚟日本寫真界可以拍多啲以美腿為賣點嘅寫真集。
撰文：賢