「四仔奧斯卡」AVN頒獎禮呢個月23號就嚟喇！但同樣係囡囡，同樣出力砌，同樣係大獎，偏偏被外界所忽略嘅All-Girl Performer Of The Year即係最佳女女演員獎得主，每年都係有獎攞但冇人提！成人網站Fleshbot炮製咗個專題報道，幫呢班勞苦功高脫星們平反，巴打係時候做定功課等睇騷喇！
年度最佳脫星或最佳新星，無論四仔迷定成人機構都會瘋狂替得獎者祝賀，當事人事必發過豬頭，而最佳女同演員得主就梗係次一等，究竟係巴打忽略咗，定業界覺得女女演出唔夠「辛苦」因而唔認同，睇怕連得獎者都未必答到，好在四仔界女權主義抬頭，就過去一年全女班四仔同男女四仔產量比較，約莫都去到四六比，話唔定今年可以平起平坐，甚至超越主流男女四仔添噃！
講番今屆AVN All-Girl Performer Of The Year，入圍名單早已出籠，15位候選人實力不相伯仲，至目前為止，大熱門Cosplay女王Tanya Tate暫時呼聲最高，其次係「女同女神」Shyla Jennings以及經常有提名，但總係無獎落手嘅索爆中女Jayden Cole則被視為黑馬，奇怪係年僅20歲新女Kenna James都被提名，呢件5呎8吋高妹入行一年未夠，暫時只喺Sweetheart Video有演出經驗，冇咪兼冇籮，但「性」在相頭標致，床上高潮反應夠冧，話唔定有機會爆冷o架！
大熱門贏面高，但唔代表其他囡囡要陪跑喎，好似Elle Alexandra都係24歲出頭，入行4年曾經試過引退，好在外界喺社交網強烈要求阿妹唔好走先留得到佢喺度，重新上路嘅Elle妹女人味更濃，唔玩純情反識得用絲襪皮褲等制服誘惑冧爆四仔迷，呢啲咪識撈囉！另一位不容忽視嘅超正妹Ryan Ryans，得嗰25歲嘅佢Sweet到爆，雖則34C打假波，但點睇都唔過分，入行兩年貴精不貴多，所以巴打先冇乜留意到咋！
至於公認有實力但永遠冇運嘅Prinzzess Felicity Jade及Raven Rocket喺業界打滾超過5年，以現今標準同AVN過往賽果，走實力路線，為人又低調嘅脫星都冇乜運行，之但係翻查過去一年，兩位阿姐片量夠多仲實際啦！講到細佬心水就一定係Angela Sommers，眨眼就7年喇，索就唔使審，架勢在從未走過樣，難怪阿妹係Girlfriends Films御用脫星，之所以貼佢跑出，唔係亂吹，而係早幾日Angela替男性網站Highlark，拍咗輯索到J唔停手嘅內衣寫真，整輯寫真Angela都係有飛釘冇全裸，若隱若現正到暈。呢個網過去四輯寫真都係邀請極具人氣脫星上陣，上一輯係男優Johnny Sins老婆Kissa Sins，可想而知Angela Sommers係有代表性啦！
http://straight.fleshbot.com/6013478/a-guide-to-avns-all-girl-performer-of-the-year-nominees
撰文：祖