嚟緊除夕好應該出街感受一下熱鬧氣氛，之不過，好多人都好似小弟咁怕人多擠迫，更怕就係見到街上情侶成雙成對，自己卻形單影隻，都係留喺屋企好過。其實留喺家中都唔使怕悶，因為有日本寫真界兩位天后級女優陪我倒數，一個青春無敵，一個韻味迷人，實行向大家派大奶迎佳節。
近一兩年，日本寫真界湧現好多優質新人，好似久松郁實、高崎聖子、鷹羽澪等，佢哋有樣有身材，的確有力成為未來寫真天后。之不過，佢哋唔少都已經成功勇闖藝能界，故投放拍攝寫真嘅時間相對較少，唔似得同期出道嘅星名美津紀咁，繼續為我哋一眾鍾意睇寫真嘅男人着想，今年內已經推出咗一本大型寫真集、三隻寫真DVD以及多隻Kindle版寫真系列作，認真抵錫！
19歲嘅美津紀可愛又得人鍾意，青春感覺加上健康氣息真係令人精神一振。除咗個樣睇得，阿妹副偈仲辣度驚人，身高5呎4吋，體形纖巧，擁有一對37H純天然大奶！個人認為美津紀比起篠崎愛更有資格成為童顏巨乳小天后。寫真DVD《Stella》就係美津紀今年壓軸之作，取景地點係沖繩，阿妹以一身尺碼細小嘅火辣泳裝喺沖繩嘅海灘跑跑跳跳，仲落水玩濕身，水潤嘅大奶隨住其動作激烈蕩漾，令觀眾嘅心亦隨之激動起來！
碟名：《Stella》
收錄時間：91分鐘
售價：約HK$261
一眾寫真界新人如狼似虎，來勢「胸胸」，而一班前輩亦冇放軟手腳，好似杉本有美、西田麻衣、杉原杏璃依然以狀態十足嘅姿態活躍於寫真界，唔好唔記得仲有原幹惠喎。原幹惠雖然喺寫真界出道10多年，但係狀態卻係持續上升，樣子愈來愈索，綺麗感覺滿瀉，同時保持住初出道時予人嘅親切感，相當難得。而身材方面，原幹惠係出名嘅巨乳天后，體積大而極富彈性嘅G Cup巨乳多年來深深俘虜大家，充滿吸睛能力。
自從6年前原幹惠成功爭取擔正做電視劇《孃王 Virgin》女主角之後，其演藝事業可以話勢不可當。不過，即使喺電視圈吃得開，原幹惠唔似得其他寫真女郎咁忘本，定時推出寫真作品畀大家欣賞，好似寫真DVD《從晴之日可以看見你》就係阿妹嘅最新力作。當中原幹惠會作全方位露奶，畀大家睇清楚其G奶嘅上下左右，以分量十足嘅幼嫩胸肉刺激大家嘅視覺神經。
碟名：《從晴之日可以看見你》
收錄時間：90分鐘
售價：約HK$274
撰文：賢