男女嘅地位愈來愈平等，調查仲顯示出有好多女人有信心喺床上將男人支配。男人想得到高潮真係話咁易，但係女士就唔得喇，至於女士們透過邊一種方式容易獲得性高潮呢？結咗婚之後，好多男人都少咗外出參加聯誼活動，但係一旦有活動好可能意味住佢心思思想出軌。
以前社會洋溢住男尊女卑嘅風氣，不過隨住女性受教育機會上升，社會地位又同時提升，好多女仔都可以獨當一面，能力仲比好多男人強。最近情趣用品品牌We-Vibe進行過一項有關女性嘅調查，結果顯示有67%受訪女性表示有信心可以喺床上支配男人，有51%則表示佢哋現階段已經達到目的，成為床上征服者。至於點解佢哋想喺床上支配對手呢？原因相信同尋找高潮有關，因為有48%受訪女性話由自己主導床戰，更有信心能夠令自己得到高潮。心理學及兩性關係專家Becky Spelman博士表示女性支配床上對手嘅情況未來將會有上升趨勢，因為社會愈來愈開放，令女性更加希望床戰唔只係滿足對方，仲想尋找能夠令自己愉快嘅感覺。雖然我都係一個大男人，但係喺床上由女方話晒事，我都冇所謂o架！
正如天才科學家霍金話齋，女人比宇宙更加難以理解，女士們嘅心態的確係好難捉摸，明明喺床上錫勻佢全身，第二日又會畀佢話：「你都唔錫我嘅！」明明經常為佢哋將數以億計嘅子子孫孫犧牲，又話你唔肯為佢哋付出，你話係咪吹脹！其實仲有好多地方男人對女人唔多了解，例如令佢哋達到高潮嘅方法。一個訪問咗1,931名成年男女嘅美國調查顯示，有85%嘅男人認為自己能夠喺床上令女方得到高潮，之不過呢個只係佢哋自己認為而已，因為只有67%嘅女士話曾經試過高潮，即係話男人好多時都誤解咗對方有高潮反應。咁女士們又點樣先得到高潮呢？36%表示透過正常交合可以得高潮，31%話係暢遊後花園，24%表示要靠自己動手自製高潮，睇完呢個結果，男士們不妨多同女方溝通一下，睇吓對方想搞邊科配合一下啦！
年紀愈大愈覺得寂寞，原因係小弟班老友好多都已結婚產子，想約佢哋食飯夜蒲都幾難，唔悶就有鬼啦！不過諗深一層，佢哋班老婆唔批准老公出去進行聯誼活動都有道理，喺日本就有好多已婚男人參加聯誼活動嘅目的，其實係為咗出軌。調查顯示日本唔少已婚男人結咗婚都會去聯誼活動，同成班兄弟再約埋其他女性一齊聚會，當中近三成男士都係為咗幫朋友湊夠人數至參加，23%話想同班老友聚舊，但係就有14.6%話想透過聯誼活動搵偷食對象，就算唔係真心想偷食，亦有12.5%話想識其他女仔，近一成人仲話因為同老婆進入無性狀態，所以出嚟聯誼一下解解悶喎。敍會就冇問題，但係一心諗住背妻偷食就唔好喇，一陣鬧出家庭慘劇就恨錯難返。
撰文：賢