人心隔肚皮，真係好難分辨出一個人嘅心思，尤其女人喺床上到底係咪得到高潮，正係好多男人窮一生想了解嘅問題，咁究竟點樣分真假高潮呢？隨年月過去，變化嘅事情有好多，男士欣賞女性嘅口味亦會改變，例如好多男士都唔會再注重欣賞擁有好身材嘅女仔。正所謂男人不壞，女人不愛，咁男人又係咪同樣鍾意壞女人呢？
好多情場老手都話要維繫一段感情，難免要識得呃呃氹氹。老實講，此話不假，好多時女仔察覺到男友同其他女仔眉來眼去，都會興師問罪，即使你的確係同其他女仔有啲感情交流，但係權衡過輕重之後，最好都係講幾個良性大話氹對方為妙。不過，你話男人多大話，其實女人亦不時哄騙男方，例如喺床上假扮高潮。一位叫Tammy Nelson嘅性學專家就大膽指出逾8成女性都會扮高潮，咁真真假假我哋男士又點樣分辨呢？專家話女人高潮嘅時候，面、頸、心口都會出現潮紅，仲會呼吸急促以及心跳加快。此外，男士更要留意女方嘅陰道會否出現收緊情況，收縮至少10至15次，咁就代表女方真係得到高潮喇。至於點樣令女方高潮呢？專家話需要不停抽送7至45分鐘，有難度喎！
各位年紀有四、五十歲，又有研究鹹片嘅朋友，有冇發覺近年拍鹹片嘅女優相對於十幾廿年前嘅有咩分別呢？小弟就覺得以前嘅女優好多都擁有完美體形，家陣就唔同，任何身材嘅女優都有，可謂百花齊放，琳琅滿目任君選擇，而根據知名鹹片網站「PornHub」最近嘅統計都有類似發現。該網站進行過一次搜尋字眼統計，發現近兩年來最多人搜查嘅字眼係「Big Beautiful Women」（簡稱BBW），比率佔47%。網站發言人Corey Price表示，以前好多人都鍾意用「Perfect Body」、「Ideal Body」等嚟尋找體態完美嘅女優，但係現時好多人都了解到不同體態都值得欣賞，反而注重女優有冇主動性、有咩特色等，輸入BBW嚟搜尋就可以睇晒咁多種體態嘅女優，再慢慢發掘自己嘅心水。
相信好多男人都視落酒吧飲酒係一種消遣活動，更加係一個溝女嘅理想途徑，能夠約到女仔一齊落酒吧飲酒表示踏出成功嘅一大步，如果對方肯陪自己飲酒，更加代表彼此嘅關係跨越一大步，當然女仔唔肯飲酒的話，男人唔會認為對方酒量淺怕飲醉，而係顯示自己並唔係對方要搵嘅人。相反，如果女仔成日落酒吧，男人又鍾唔鍾意呢？至少日本男人唔鍾意。根據日本男性網站「Menjoy!」訪問過500位成年男士嘅結果顯示，9成受訪者都唔願意同有落酒吧習慣嘅女仔發展感情，反而最鍾意唔飲酒兼每日定時返屋企嘅乖乖女。受訪嘅部分男士話，呢種女仔未必一定係賢妻良母，但係至少較為可信同可靠。喂！你哋班男人成日都飲到唔知時間返屋企啦，但係又要求女仔定時歸家，係咪厚此薄彼呢？
撰文：賢