愈爆愈激，唔係講男神James Deen食咗乜新女或床上有乜新玩法，而係講緊佢隨時今年都過唔到，被班脫星逼到落床呀！其實早喺上月底，男神James已捲入「性侵案」，以為係佢老哥樹大招風得罪人多，又可能係四仔界頒獎禮臨近夾埋宣傳，點知愈爆愈多受害者，愈爆愈多人抽水，逼到James日日出頭條，今鋪真係水洗都唔清喇！
點解男神咁大單新聞要到今日先講呢？唔係維護男神，更加唔係懶，係因為首名自稱受害人企出嚟爆料後，打後每日都有相關新聞，直到截稿當日，「被告」James Deen仲排住隊上各大網站解畫，細佬覺得如果係砌生豬肉，應該都入正題，所以現階段同巴打總結一下先！事緣喺上月底，一線脫星Stoya失驚無神喺個人Twitter爆料，指James Deen曾經喺未得佢同意下搞佢，最離譜仲係走後門，而事發日子大約喺7年前，當時Stoya同James Deen仲係情侶關係，但雙方入行後無耐就分手，Stoya話記得當晚James強行要求發生性關係，但佢本人有Say No，點知搞嘢都嫌未夠，仲要爆埋後欄，阿妹喊足成晚，最後忍足7年，到近日忍無可忍決定爆料。
不過Stoya就冇解釋點解要忍咁耐，同埋為乜而分手，起初外界睇到Stoya呢個發文反應都好冷靜，有人以為佢哋舊情復熾「耍花槍」，更有眼利網友覺得係「宣傳」，皆因下年1月就係四仔頒獎禮大日子，Stoya更早早被xbiz公布屆時獨擔大旗做頒獎禮主持，好爆唔爆今日爆，難免令人有咁聯想嘅！但自Joanna Angel喺社交網回應力撐Stoya，更報稱自己係「第二位」受害者後，事件就180度轉變，各界焦點都放喺男神究竟有冇做過！Joanna更慌死傳媒唔關注，轉個頭更上網台大爆特爆，話自己過去6年都活喺James淫威之下喎！
上述兩位只係頭盤咋，事件發展到本月2日，新聞網thedailybeast.com爆出獨家專訪，再新增3名受害者，令人數去到5個，包括Amber Rayne、Kora Peters及Aurora Snow，前兩者更形容被強爆後門後說：「There Was So Much Blood（搞到一地都係血呀）！陰功！」男主角當然否認，反指受害者無理指控，但事隔一日，又再爆多兩個，Tori Lux及Ashley Fires都企出嚟指證男神未得佢哋同意就亂搞，事態發展到7個咁嚴重，不只成人新聞網，幾乎八卦網及討論區都洗版報道，同時間各大受害脫星獨自接受成人傳媒專訪，冇嗰句都爆多句，令James Deen日日要企出嚟No ! No ! No ! 好可惜無補於事，而有同男神合作嘅情趣用品商Doc Johnson及重口味大鹹網Kink.com即時跟男神劃清界線，到了本月7日，男神主動辭去APAC（Adult Performer Advocacy Committee）成人表演宣傳委員會董事一職兼停止一切工作，但都係冇用，受害者爆不停，到12日為止，總共有10位企出嚟爆料，仲未計一堆抽水唔抹嘴嘅脫星，佢哋都同James合作過，一致認為佢床上動作粗野，性格霸道兼小器。真相如何當然唔知，但好明顯，呢件事仲有大把下文。
James呢單新聞仲勁過嚟緊頒獎禮，真係追遲陣都唔知發生乜事，細佬先幫巴打做個總結，想知會發展成點，記得留意「受害者」嘅社交網！
1 Tori Lux接受The Daily Beast網站訪問時稱，喺2011年拍攝Tattoed Babysitters Club時被性侵！
2 Ashley Fires喺The Daily Beast網站自爆Kink's Headquarters沖涼嗰陣被從後性侵，阿妹更表示事隔一年James要求佢唔好同任何人提起，否則會令Ashley喺四仔界無運行！
3 Amber Rayne向傳媒控訴，喺四仔片場未開戲前，James Deen當住導演及工作人員面前性侵佢！
4 Kora Peters同成人傳媒指，James喺未得佢同意下強行走後門。
5 報稱由2005至2011年期間同James拍拖嘅Joanna Angel，喺網台節目The Jason Ellis Radio Show大爆拍拖期間經常被對方性虐待。
6 Lily LaBeau喺Vocativ網上受訪時表示唔太清楚「案發日期」，但清楚記得當時同James拍攝床戰，男方唔跟劇本演，粗暴地用手鎖住Lily妹條頸，令佢無法反抗，直至完事先有得走。阿妹仲話當時另一男優「光頭神炮」之稱嘅Derrick Pierce在場，可以做證！
7 Nicki Blue喺每日郵報網站The Daily Mail Online爆料指2011年在位於三藩市四仔廠Kink's Studios被性侵。
8 尚有兩位不願公開姓名脫星喺網站LAist表示曾被男神James喺拉斯維加斯AVN頒獎禮後台性侵，當時James嘅女友Joanna Angel都喺度，另一位就報稱係成人小說作家，反抗時更被男神虐打。
消息來源：http://straight.fleshbot.com/6013117/here-are-the-women-who-alleges-that-james-deen-has-assaulted-them
撰文：祖