處理每件事都需要技巧，房事亦係一樣，因為大部分女性認為男人嘅床上技巧相當重要。搵錢同上床好似冇乜關係，但係調查發現，做愛次數少同做愛次數達一定數量嘅群組，兩者嘅搵錢能力相差一截！好多男人因為工作忙加上年紀大，對性事興趣漸降，不過日本就有醫生話千祈唔好畀性趣消失，因為缺乏性愛對身體帶來極大壞處。
小弟成日都睇AV，被身邊唔少女性、甚至男士所不恥，我當然不以為然，因為睇AV係我人生最大嘅興趣，而且工作上亦需要從中發掘資料。仲有一個重要原因，就係希望可以從男女優纏綿過程中，學習更多床上技巧。話說知名情趣用品品牌Lovehoney進行咗一個調查，指女人好注重男方嘅床上技巧，該調查訪問咗1,750位成年男女，當中有三分之一女士表示因為喺床上得唔到滿足而狠飛男友，而同樣跟女友分手嘅男士就只有五分之一。另外，半數受訪女性認為男方嘅床上技巧非常重要，反映出要同女伴保持長久關係，喺床上表現出高超技巧係男士嘅必修科。咁女士們係咪一定要達到高潮先至滿足呢？咁又唔係，87%女性表示喺床上感到滿足唔一定要達到高潮，如果調情方面有技巧，亦一樣感到滿足。
年紀大機器壞，好多男士人到中年，因為長時間勞心勞力工作同照顧家庭，唔單只搞到身體變差，更加可能對性事唔再有興趣。日本男人亦面對呢個問題，醫生高木希奈表示男人要保持身體健康，一定要保持對性事嘅興趣。高木醫生話現時好多中年男人因為工作環境影響，加上體力透支，好容易出現勃起不全嘅情況，繼而令佢哋對性能力失去信心，漸漸失去埋對性愛嘅興趣。缺乏性愛會令男人體內嘅睾丸硐素水平下降，引發男性代謝綜合症，除咗會令身材變得肥胖，皮膚質素變差，最慘就係會令男士由勃起不全變成不舉！中年男士不妨多睇AV保持住一顆色心呀！
撰文：賢