澳門直擊KMP大獎索女拋波送艷光

八美雲集

今年可以話係日本AV女優們豐收嘅一年，唔係話佢哋拍AV特別多搵到盤滿缽滿，而係今年舉辦嘅頒獎禮相當多，除咗有SkyPerfecTV成人放送大賞，仲有DMM大獎，亦有AV Open，此外唔少AV集團都設立屬於自己嘅頒獎禮，好似SOD就有SOD大獎，而KMP亦有KMP大獎。提起KMP大獎，上年呢個頒獎禮就喺日本神秘地舉行，好多業內人士都話典禮搞完晒之後成個月至知有件咁嘅事，不過唔知係咪聽到大家嘅意見，今年就改為高調宣傳同舉行，然而日本AV界人士相信亦有微言，而我哋大中華地區嘅朋友就開心得不能言表，事關今屆KMP大獎上周喺澳門亞洲娛樂博覽之內隆重上演！由成人頻道女主持Lexi做司儀，先帶大家回顧上屆嘅片段，然後再介紹8位人氣AV女優登場，包括星美梨香、佐倉絆、濱崎真緒、彩城優里菜、友田彩也香、櫻井步、乙葉七瀨及紺野光。

益晒外人？

今次KMP大獎雖然唔算大陣仗，參與初選嘅女優只有20名，全部喺2015年為KMP拍過AV，睇落好似小圈子選舉。之不過，KMP大獎當中嘅亞洲宣傳獎開放畀公眾投票，都算係跨出一大步，比起以往又或者與SOD大獎相比嚟得開放同公開。之不過，對於點選我冇乜意見，但係對於獎項得主不禁覺得奇怪，因為3位得主濱崎真緒、友田彩也香同櫻井步都唔係KMP嘅「親生女」，雖然彩也香同櫻井步係KMP嘅專屬女優，但係二人都係後期加盟，唔似得佐倉絆由自己一手提攜，亦唔似星美梨香喺KMP危急等人用嘅時候挺身加盟咁值得愛錫，今次將3個獎頒晒畀外人，KMP似乎有少少忽略咗自己人喎。

櫻井步、友田彩也香及濱崎真緒（左起）係KMP大獎得主，每個都實至名歸。	KMP親生女佐倉絆雖然冇獎攞，但係一樣展現甜美笑容。	一眾女優於頒獎禮後向觀眾拋簽名波波，彩城優里菜動作太大，差少少走光。

KMP亞洲性感女優獎：濱崎真緒

年齡：22歲

身高：5呎5吋

三圍：35G-24-34

簡介：2012年出道嘅濱崎真緒樣子可愛，更重要嘅係身材一流，G Cup美巨乳更加有引退咗嘅巨乳小天后濱崎里緒嘅影子。另一方面，真緒嘅演出仲非常落力，而且深諳潮吹神功，經台灣AV達人一劍浣春秋親眼觀察其AV拍攝實況，證明其潮吹係堅過石堅。當日濱崎真緒獲得KMP亞洲性感女優獎時，表情大為驚訝，接過獎座後冷靜咗一陣先表示自己好開心能夠得獎，而且仲會為大家繼續努力演出。

KMP亞洲宣傳獎：櫻井步

年齡：24歲

身高：5呎3吋

三圍：33B-23-32

簡介：櫻井步美艷迷人，一雙電力十足嘅大眼睛簡直會電死人。雖然櫻井步上圍略嫌有少少平板，但係勝在腰幼而軟，有力又靈活，以癡女姿態力壓男優時，激戰場面全部都係力的表現，可惜櫻井步早前宣告明年3月會引退。獲得KMP亞洲宣傳獎係表揚女優喺2015年，幫助KMP提升亞洲知名度嘅獎項，櫻井步一時之間高興到講唔到說話，之後就以流利嘅普通話同大家打招呼，仲表示會喺引退後發光發熱，貢獻AV界。

KMP亞洲大獎：友田彩也香

年齡：27歲

身高：5呎2吋

三圍：34E-23-32

簡介：友田彩也香以絕色美貌聞名於AV界，喺香港仲有人形容佢同某本地人妻女歌手好似樣，加上其精彩演出方式以及強勁潮吹功夫，令彩也香出道後人氣與日俱增，成績有目共睹，而今次KMP亞洲大獎就係最好嘅證明，因為獎項由網友投票選出，彩也香獲獎證明佢嘅努力成功令其名氣傳到亞洲其他地區，接過獎項後難怪眼濕濕，她表示唔會辜負大家嘅支持。

特派記者：賢

特派攝影：生