男人去滾千祈唔好講真心，輕則會沉船，重則人財兩失！唔係講笑，大家都知道內地嘅歡場囡囡，總會袋住幾個悲情身世嘅古仔喺袋，睇吓邊個老襯會上當，所以你認真便輸了。至於台灣有一間小食店，居然提供三級，甚至四級服務。去到風俗業盛行嘅日本，有間以高海拔風俗孃作招徠嘅風俗店，大家有冇興趣去攀登一下呢？
男人去內地夜場玩樂，不論係夜總會囡囡定桑拿技師，總有三個問題會問囡囡，分別就係名字、年齡同家鄉。講完呢三樣嘢後，冇理由大家就全程Dead Air（口架）！為咗唔使你眼望我眼，囡囡總會講吓自己嘅身世。嗱！去到呢個部分，只要係夜遊老手都知道囡囡講嘅所謂身世，聽完就算，因為佢哋嘅古仔千篇一律，講到自己好悲慘，唔係畀男友或老公呃晒啲錢，就係屋企有成棚人等佢養，冇辦法之下惟有下海。呢啲古仔真係聽得多都會厭，而且冇人會再信佢哋，而囡囡亦都好醒目，竟然搵人幫佢哋度劇本，兼且有幾個版本，等佢哋遇到唔同嘅玩家時，有唔同嘅古仔同對方講。其實以前度劇本嘅嘢，都係囡囡圍埋一齊集思廣益，或者係由燈頭畀吓意見攙雜而成，時至今日，就有專業團隊為囡囡包裝，等佢哋可以成功釣到老細。當然，之前要收一筆錢，大功告成之後又收多一筆，呢條數真係唔講得笑呀！
有包廂兼有卡拉OK唱嘅小食店大家去過未？不過咁都唔算特別，最特別嘅就係店內有囡囡陪食同陪唱，兼且畀玩家「手」索全身，試問有邊間小食店會做到咁！台灣高雄曾經出現一間小食店，表面睇係一間賣越式小食嘅店舖，店內提供包廂唱K服務，玩家入去後可以食嘢兼唱歌，真係夠晒娛樂性。不過有人卻發現，去親呢間店嘅都係男人之餘，包廂內更有越南妹陪唱同陪玩，如果畀小費仲可以過足手癮。當然大家「情投意合」嘅話，更可以另覓地方繼續後續嘅服務。據聞由於佢嘅玩法夠隱蔽性關係，故此吸引唔少玩家捧場，亦好快喺附近開分店，生意同樣相當好。不過，須知道夜遊服務最怕就係人氣高，好似呢間小食店每日咁多人流，結果係點大家可以預計得到。
男人喺夜場揀女嘅原則，離唔開樣靚同咪大，至於身高則好少係考慮之列。但日本有風俗店卻認為身高係賣點，更成為吸客噱頭添！位於日本池袋嘅風俗店「Tall-mania」，店內風俗孃個個都有番咁上下身高。為咗可以讓玩家更易搵到合適嘅囡囡，佢哋將唔同身高嘅風俗孃，劃分成身高165cm以上嘅「陽光級」、170cm以上嘅「艾菲爾鐵塔級」、175cm以上嘅「富士山級」同埋180cm以上嘅「珠穆朗瑪峰級」。呢種玩法推出後果真相當有叫座力，不過據風俗店負責人稱卻係有苦自己知。點解呢？原來好多玩家專程嚟挑戰最高級別，亦即係「珠穆朗瑪峰級」，但係呢種級數嘅風俗孃人數並唔多，有時一晚只有一個囡囡駐場。喺客多女少嘅情況下，好易得失玩家。為咗滿足客人，佢哋日日刊登廣告招聘囡囡，但仍然係供不應求。不過話時話，挑戰咁高嘅風俗孃真係好過癮咩？
撰文：魂