正所謂「有人辭官歸故里，有人漏夜趕科場」，每件事都會有興盛亦有衰落，就好似內地有個本嚟諗住成為經濟發展熱點嘅城鎮，卻搖身一變成為夜遊娛樂集中地。海峽對岸嘅台南，公娼亦正式成為歷史嘅一部分。不過係咪成人娛樂冇發展空間呢？未必，好似有風俗店以全裸風俗加推廣影片，吸引到唔少玩家捧場。
對好多人嚟講，位於福建對出嘅海島平潭可能會相當陌生，多年前曾經投放過大量資源喺呢個地方，希望能夠將佢打造成一個經濟發展重鎮。不過時至今日，當地嘅商業活動未見起色，但另一種服務行業卻發展得相當唔錯，就係成人娛樂。據講當地嘅商城本嚟諗住可以吸引到大量台商及外資喺度開業，可惜經過多年嘅發展仍係落得一片蕭條。相反夜遊業就發展興盛，各種夜總會、桑拿、休閒會所等統統都有齊之餘，仲吸引唔少客人嚟玩樂，有人甚至稱佢比東莞嘅玩法更加齊全，服務更係有過之而無不及。至於佢哋嘅夜總會收費係幾多呢？據稱一般嘅包廂最低消費為880人民幣，每位小姐嘅坐枱費為400人民幣，公主嘅小費為則300人民幣，「額外」服務收費方面，每次由2,000人民幣起。如果覺得呢個價錢貴嘅話，當地仲有一啲相宜嘅手作仔服務，只係300人民幣。
早喺台灣日據時期為咗有效規管娼妓，便於1896年實施公娼制度，及至國民黨轉至台灣後仍沿用呢個制度。1994年台灣參加聯合國禁販婦孺及賣淫公約後，當局提倡禁娼，領有營業執照嘅妓女戶唔准過戶、遷移同招募新人，而經營者過身後，執照亦隨之失效。喺當時嘅台南新町一帶仍有4家合法嘅妓女戶，分別係美月、寶月、真花園同位於康樂街嘅夜巴黎。據講當年嘅妓女會企喺店前張望，遇到合眼緣嘅尋芳客時，就會請對方食煙，然後就雙雙入房進行手口服務。乜唔係仲有得真箇銷魂咩？原來有冇更進一步嘅接觸，係要睇妓女同客人嘅關係如何，如果囡囡睇個客唔上眼嘅話，唔好意思，兩人嘅關係就止於手同口而已。隨住時間嘅推移，加上有關當局掃黃，目前只剩低喺1960年開業嘅夜巴黎，當時嘅負責人阿琴只係29歲，但喺今年由於佢因年邁關係便決定停業，而夜巴黎亦於上個月初結業，宣告新町最後一間公娼館走進歷史。現時台灣仍有7間合法妓女戶，共25名性工作者，當中包括台中市3間、台南市1間、桃園市1間、宜蘭1間以及澎湖1間。
大家都知日本嘅經濟唔好，連帶當地嘅風俗業都要玩割價嚟吸引玩家捧場。呢招唔係唔得，但係個個都減價，結果最傷嘅，仍然係風俗業界本身。喺呢個情況下，有乜嘢辦法既可以保持利潤，又可以吸引到玩家光顧呢？位於日本東京嘅「即尺」風俗店「全裸革命V。I。P STYLE TOKYO」，就以相當特別又過癮嘅宣傳手法，成功成為玩家嘅熱話。方法並非以全裸嘅風俗孃上陣，以一絲不掛嘅造型嚟撩起玩家嘅情慾，亦唔係喺玩樂過程中，風俗孃以蒙眼嘅方法嚟提升玩家嘅樂趣，而係喺官網首頁上載一條玩樂直擊短片，片中有個風俗孃全裸示人，蒙住雙眼嚟服侍玩家，並且喺過程中發出誘人嘅呻吟聲。有玩家稱呢條片嘅挑逗程度，比AV勁上幾倍，而最重要嘅係片中嘅風俗孃確實喺店內任職，足見風俗孃嘅質素有幾咁高。呢種出位嘅宣傳手法，既唔使割喉式減價，又能夠迅速成功引起話題，確實係高招。
撰文：魂