好快又到四仔界盛事之一嘅2016 AVN Awards！依家歐美成人新聞網站，日日都講邊個有幾多提名，睇得多都有啲亂，查實巴打最關心嘅都係嗰幾個大獎，以及心水脫星有冇份入圍啫，今日等細佬預備定懶人包，咁就唔使左搵右摷，慳番啲精力（目及）女好過！
AVN獎項咁多，你又記得幾多個？睇怕你唔會關心邊個攞最佳變性表演者Favorite Trans Performer啩？即使問舊年最佳男優得主係邊位，相信都唔會有好多人記得！外界最關心嘅始終係「囡囡囡」，3個囡分別係最佳脫星Favorite Female Performer、最佳熟女Hottest MILF及最佳新人Hottest Newcomer。同以往一樣，巴打可網上投票畀心水脫星，每個IP只可投一次，以上3個囡囡獎，攞獎事小，「響朵」事大，皆因按照慣例，每次捧走囡囡獎嘅脫星，嗰年都忙到落唔到床，尤其係最佳脫星大獎，除獲得所有大片廠爭住搵佢開戲外，仲有機會擔正之後嘅頒獎禮司儀一職，好威呀！好似前年捧走最佳脫星嘅Anikka Albrite，即係男優Mike Blue嘅老婆，嚟緊會夥拍紋身富婆脫星Joanna Angel，兩件辣妹喺台上做司儀，一定大把火花。而頒獎禮要到下年1月23日先正式舉行，因此今日唔會講太多頒獎禮活動，只會集中喺3大囡囡獎，到臨近大日子先重點介紹活動內容！
距離AVN頒獎禮不足兩個月，所有提名最近已經出爐，3大囡囡獎當中，網友認為最佳脫星嘅提名比較唔公道，事關喺50位候選佳麗中，為人熟悉嘅竟然大部分無影，反而一啲舊年唔多起眼嘅囡囡，例如Dana DeArmond及已退出幕前嘅「蜘蛛女」Bonnie Rotten都入圍，更加離譜嘅係幾乎得一套四仔派街嘅Stormy Daniels都入圍，睇嚟大會係畀面Wicked片廠囉！50位中基本上只得Carter Cruise、Dani Daniels同Adriana Chechik揀得落手，即管睇吓結果係咪咁啦！至於Hottest MILF較為大路，或者係熟女唔易做，喺四仔都熟口熟面，歐美討論區嘅網友深信係Kendra Lust、Bianca Breeze及India Summer之爭，唔係話其餘嗰啲唔掂，只係呢3位阿姐太霸道啫！最佳新人獎永遠都係最難估，因為賽果成日爆冷，而大熱嘅有Abella Danger、Kissa Sins及Kate England，奇怪係年屆34歲先入行嘅Anna Bell Peaks都入圍爭新人獎，莫非AVN玩敬老？
網址：http://avnawards.avn.com
以「圖書館女郎」入行嘅Kendra Sunderland近排好紅，無奈阿妹唔係脫星，齋剝唔砌當然無獎提名啦，不過AVN大會又點會放過佢呢？其中一個雞肋獎Most Amazing Sex Toy最驚喜性玩具，網民都可以參與投票，更特別搵嚟Kendra妹喺各大社交網宣傳，明白嘅，因為當中有件係阿妹個人J杯，大家互惠互利啦！
網址：http://avnawards.avn.com/voting/category/21
撰文：祖