家陣唔少日本十八禁遊戲往往會改個長到爆嘅遊戲名，等玩家一睇就知道遊戲講啲乜同玩啲乜，不過係咪長就一定好呢？日本成人遊戲商Turumiku話畀大家知其實簡簡單單仲好，其最新推出嘅遊戲名就只有三個字——《鐵與裸》。故事講述大魔導士意圖將世界上所有物種交配，從而產生出新生態系統，所有國家同種族為咗制止佢瘋狂嘅行動，於是展開漫長嘅「封印戰爭」，最終將佢打倒，並將佢魔力泉源嘅魔裝具封印。由於要成功封印嘅話需要純潔聖女嘅力量，於是喺封印地上成立只有女性嘅「聖王國」。經過八百多年後，大魔導士事件早已被人淡忘，聖王國則為咗延續王國而不斷向鄰國男士取精。呢種行為惹嚟北方蠻族嘅不滿，於是展開一場激烈攻防戰。為咗保護國家，有位神秘嘅賦予術師研製出輕巧嘅魔力裝甲，卻估唔到裝甲中竟有令女性性慾爆發嘅魔力，而呢位賦予術師嘅真身，竟然係沉睡多年嘅大魔導士！