對於一啲喺青少年漫畫界中人氣唔高嘅漫畫家嚟講，轉投成人漫畫行列被視為搵食嘅出路，只係如果抱住呢種得過且過嘅心態，又如何可以創造出好嘅作品呢？日本資深成漫家天乃一水就唔同，佢不但視成漫家為終身職業，更繪出唔少令成漫迷激動無比作品，而今次介紹呢本最新作品《變愛彼女》就係其中之一。
今年36歲喺日本京都出生嘅天乃一水，個筆名真係好型！據佢解釋名字係嚟自佢對人生嘅睇法，然後將「天空漂蕩嘅一滴水」簡化做筆名。同佢個咁有意境嘅筆名一樣，早喺24歲已經喺成漫界出道，所創作嘅成人漫畫同樣相當有意境，而所謂意境就係誘動男性本能，然後將大家引入邪念嘅境界。自佢出道以嚟，先後推出過唔少成人單元及連續作品，而以成人漫畫月刊《COMIC真激》作為發表基地嘅佢，經常喺《Magazine Cyberia》、《COMIC失樂天》、《COMIC BAZZOOKA》等成漫月刊上刊登作品。憑住佢美感十足嘅畫風，同埋緊湊嘅劇情，作品一直以嚟大受歡迎，而喺佢從事成漫創作嘅12年期間，共推出《飼育願望》、《淫凛女教師》、《欲情×覺醒》、《慾望身體》同《變愛彼女》5本單行本。有別其他搵銀至上嘅成漫家，佢並唔會因近年成漫界大受歡迎嘅豪乳題材，而推出跟風作品。佢解釋作為一位成漫家，一定要有自己嘅堅持，亦因為崇尚美感關係，所以佢反對將筆下女角色，以超級乳牛形象亮相，並聲言：「太過誇張嘅豪乳一啲都唔能夠令人興奮！」事實上，呢本於今年2月推出《變愛彼女》，確實貫徹佢呢兩個風格，並繼續以火辣十足嘅情節同畫面，激發成漫迷嘅邪念。
《變愛彼女》全書共分為7話，合共5個唔同主題嘅故事，分別係標題故事，講述M女調教故事嘅《變愛彼女》上中下3篇、尋找初戀故事嘅《初戀合成物》、聖誕節奇幻性福夜嘅《聖夜的奇迹》、鹹濕女狐妖搵仔曳曳嘅《請享用吧！超豪華御膳》及性愛救世界嘅《世界存亡與你的棒棒息息相關》。喺多個古仔中，最過癮嘅莫過於《變愛彼女》同《世界存亡與你的棒棒息息相關》。喺《變愛彼女》中，男主角森谷綠郎同迷人索女桃瀨千影發展姊弟戀。不過森谷發現每次曳曳時，千影總係得唔到性高潮而耿耿於懷，千影見到森高如此失落，便自爆係M系變態女嘅秘密，森谷不但冇因此而嫌棄佢，反而諗盡一切辦法對千影進行調教。點知佢有次曳曳時被美少女羽黑雪奈偷拍，而換取記憶卡嘅方法，就係森谷要對佢進行調教，調教途中卻被千影撞破，從此發展出複雜嘅三人關係。至於《世界存亡與你的棒棒息息相關》更係異想天開，話說喺未來世界，人類受到一種名為「御史者」嘅巨型怪物襲擊，由於地球冇任何方法可以抵禦關係，故此世界陷入滅亡嘅邊緣。呢個時候出現兩個具有殲滅御史者嘅「魔女」，佢哋就係「強慾」亞維尼及亞同埋「色慾」漆原。慾望化身嘅佢哋答應會保衞地球，條件係要求男主角健一成為佢哋嘅性奴，以滿足佢哋如同黑洞般嘅性慾。原來健一之所以被魔女揀中，在於魔女使出魔力前，必須先從精壯嘅特選男性身上榨取足夠嘅「精力」先至得，結果三人邊享受春色無邊嘅性生活，邊努力打贏呢場地球保衞戰。
《變愛彼女》
作者：天乃一水
出版：KUROE出版
頁數：166頁
撰文：魂