Puma Swede值幾錢？邊個知？我知，一百蚊港紙有找添呀！
巴打都好清楚，阿姐數年前開始染指性玩具界，推出品牌Frejya Toys當中更有以個人名義嘅Puma Swede Collections，而近期更進軍德國情趣用品網站添！Puma一口氣將佢嘅性玩具包括當年嘅個人自傳掟晒上網賣，其中50×70cm海報認真抵買，折合港幣93元有交易，而另一件名叫「The Rabbit」兔耳震棒，Puma姐個價就更加一舊都唔值，震棒有超靜音摩打，五段震頻，USB充電兼完全防水，都算相當齊料，未計運費收港紙610元！
好喇，大家計計，坊間同類震棒起碼都七舊水先落得樓，以Puma姐喺四仔界影響力，至少都要同瑞典名牌Lelo睇齊甚至賣近兩千港紙都唔過分，事關性玩具界都冇標準，甚至可謂離晒罩，賣得貴名牌兼好玩，依家六舊水就買到，咁即係話阿姐個朵一蚊都唔值，還是連佢本人都冇信心賣貴賺用家錢呢？
撰文：祖