相信唔少男人都夢想可以左擁右抱，喺床上嚟個三人行就最好，原來女人亦有相同慾望。早前有日本調查發現女高中生進行援交嘅比率有成13%咁多，到底呢個比率係咪能夠反映出真實數字？
三仔四仔一向都以男人嘅性幻想嚟拍成鹹片，而片中出現得最多嘅情節，相信就係兩男一女或兩女一男嘅3P場面。而事實上，又係咪咁多男人鍾意玩3P呢？美國一個有關成年人性生活嘅調查發現，喺1,000名受訪成年男女當中，有14%曾經玩過3P！另外，有21%就成日幻想3P玩法，並且計劃將之實行。至於喺英國亦有同類型嘅調查，發現有一半受訪男士希望玩3P。男人一向都貪心又好色，鍾意玩3P絕對唔出奇，但估唔到有19%女士希望喺床上有多一個人激戰，至於呢個額外參戰對手係男定女都無所謂，只係希望可以喺3P激戰當中尋找更多刺激。
喺日本，援交少女已經成為一個社會問題，無論佢哋嘅目的係為咗搵錢定係貪過癮，進行援交始終都唔係一個小問題，有關當局真係要多加留意。而為咗了解到底有幾多女高中生參與援交活動，早前日本有關方面就進行過一項調查，結果發現有13%女高中生曾經試過援交，更加被韓國傳媒廣泛報道，遂引起熱烈討論，大家爭論有關比率問題，有人話比率太低反映唔到實際情況，仲話日本係AV大國，援交少女比率應該係31%而唔係13%。之不過，隸屬日本性教育協會嘅弘前大學副教授羽渕一代就表示，13%嘅比率可能比起實際情況為高，原因係近年有其他調查反映年輕一代嘅性經驗數字下降，相信係佢哋對性事冇興趣以及主動性減弱，如果再進行一個新調查比率應該低於13%添！我都希望係咁啦。
撰文：賢