日本寫真界不乏新人，之不過鮮嫩肉體加上青春面孔卻令人過目即忘，難以留下深刻印象。相反，成熟嘅女優長年累月咁醞釀出誘人魅力來，比起好多新人都更加吸引，一個表情、一個動作都散發出攝人神韻，就好似今日介紹畀大家嘅呢兩位女優咁。
改編自漫畫嘅日劇《孤獨的美食家》 最近掀起話題，老實講，三五知己食飯固然高興，但係有時品嘗美食味，一個人可能會更加輕鬆自在，而踏上寫真女優之路亦一樣，同其他女優拍攝合作式寫真的確係好吸引，魅力驚人嘅辰巳奈都子就係一個出名人緣欠佳嘅寫真女神，事實上，佢根本唔需要同其他女優合作，因為佢實力超晒班！
今年27歲嘅奈都子面上散發出嘅綺麗感覺、輕熟氣質加上妖媚魅力，以及電力十足嘅眼神，可以話喺日本寫真界無出其右，迷人度爆晒燈。奈都子嘅身材同樣吸引，雖然佢唔算係巨乳一族，但係身材婀娜且柔軟度高，單係一個S形姿勢就已經夠晒挑逗。奈都子出道以來鮮有同其他女優合作，原因係佢成日講人是非，然而奈都子本身質素高，一個人演出就已經夠晒煞食啦。《反面》正係奈都子嘅最新寫真DVD，當中佢由室外演到室內，以性感火辣嘅泳裝同內衣散發出火辣感覺。此外，奈都子會不經意咁輕解羅衣，再輕摸胴體，挑逗性嘅動作配合妖艷迷人嘅表情，刺激性絕對同AV有得揮！
碟 名：《反面》
收錄時間：100分鐘
售 價：約HK$264
日本AV女優能夠喺AV界拍足十年實在相當罕見，喺寫真界情況亦相同。而寫真女優喺寫真界經過十年光景，由青春少艾步向成熟階段，雖然活潑度同可愛度減少，然而令男人為之着迷嘅女人味卻愈來愈濃，好似川村由紀咁現正處於輕熟時期，魅力逼人。29歲嘅由紀原名叫做川村雪繪，出道至今12年，甫出道參加少年Jump嘅選美比賽奪得冠軍，之後憑住一對飽滿E奶橫行寫真界。之不過，好景不常，由紀後來因為轉換事務所嘅過程有阻滯，一度接唔到工作好似人間蒸發一樣。幸好，經過一段日子之後終於可以回歸寫真界繼續為我哋賣肉。而此時由紀嘅韻味愈來愈濃，舉手投足都散發出攝人魅力。喺最新嘅寫真碟《這樣不是太相似》當中，由紀曬完日光浴再玩出浴，喺不同環境之下拋胸露臀展露出豐滿身材嘅魅力所在，最正就係攝影單位請來一雙神秘之手幫由紀嚟個雙峰按摩，撫摸動作唔單只按在由紀胸上，亦按在觀眾心坎當中。
碟 名：《這樣不是太相似》
收錄時間：70分鐘
售 價：約HK$334
撰文：賢