日本電視圈同AV界關係漸漸密切，除咗有唔少AV女優轉型做演員，深宵綜藝節目更加可以話冇咗班女優唔得。最近，AV女優出現得最多嘅電視節目就一定係《麝香葡萄之夜》喇！因為節目係為惠比壽★麝香葡萄嘅專屬節目！最近嘅一期除咗一眾現役AV女優成員繼續演出，上一代嘅成員仲突然喺直播中踩場，前輩們仲拎住蒼井空嘅黑白遺照現身，唔通空姐已經香消玉殞？
今年無論係日本樂壇定係AV界都有重要消息，呢個就係陣容超龐大嘅AV女優組合惠比壽麝香葡萄解散兩年，終於重組成為惠比壽★麝香葡萄嘅消息喇。麝香葡萄雖然由新人組成，但係當中好多成員都係頂級人氣女優，好似明日花綺羅、小島麻奈美、上原亞衣、天使萌咁，個個都係現役AV界巨星級人物，陣容真係勁勁勁！麝香葡萄重新出發，除咗陸續為各種大型活動載歌載舞外，更加有一個專屬電視節目名為《麝香葡萄之夜》，每集都請齊所有成員到節目表演騷哥利及玩遊戲娛樂觀眾，由於佢哋每個都索爆燈，的確為成年男性觀眾提供上佳嘅深宵娛樂。而喺11月4日晚上嘅一集，節目就掀起高潮！唔係有AV男優出現同班女優激戰，而係第一代麝香葡萄成員突然殺入節目，更加向班後輩嚴厲地訓斥一番！
班前輩包括希志愛奈、初音美野里、瑠川莉娜、佐山愛等十多名女優。佢哋出現之前，新麝香葡萄成員已經發覺有少少唔對路，因為現場工作人員當中有一個熟悉嘅身影，原來係澤邊里音喬裝成工程部職員搞搞震！里音「串」完班後輩之後，希志愛奈等十名前輩就浩浩蕩蕩進場，更加即場力數班後輩喺節目當中表現得太拘謹云云。見到前輩們突然出現，一眾後輩固然驚訝，不過更令現場所有人吃驚嘅係前輩們居然捧住一張麝香葡萄第一代隊長蒼井空嘅黑白照！莫非呢位紅遍亞洲地區嘅巨乳天后不幸身亡？大家傷心到幾乎要默哀一分鐘嘅時候，空姐佢突然「翻生」現身現場！之不過，麝香葡萄上代成員並唔高興，狂數空姐成日掛住去中國掘金，冇時間留喺日本。
第一代成員唔單止數落空姐，更加向佢施以酷刑！第一項酷刑就係飛身撞牆，眾成員捉住空姐雙手再將佢拉去飛撞由紙皮箱堆成的牆上，之後仲罰頂紙皮箱，搞到空姐不知幾咁狼狽。咁都未足夠讓班女優洩憤，眾人又再捉住空姐，然後逼佢食煮到滾熱辣嘅關東煮！辣到空姐嘴仔都幾乎腫晒！之後，眾前輩嘅目標開始轉移到麝香葡萄嘅新成員，重施故技逼完佢哋食關東煮，然後再請佢哋食忌廉！之不過，正當前輩想將成兜忌廉「質」落明日花綺羅等人嘅面上，佢哋又好醒目咁彎低身避開，不過兜忌廉並冇落空，因為剛剛好「質」落後面嘅前輩面上，場面緊張又惹笑！今次眾多前輩出場令節目氣氛高漲，而下一集仲會繼續有第一代成員登場，佢就係近年大病初愈嘅巨乳天后麻美由真，如果大家想了解更多《麝香葡萄之夜》嘅資訊，可以瀏覽https://www.ebisu-muscats.com。
撰文：賢