真係喜出望外呀！主題公園嘅水上樂園正式動工，巴打又可以趁機入場睇比堅尼囡囡喇，之不過最快要到2018年先有得（目及）囉！等唔切，要即時滿足？咁不如去日本銀座比堅尼酒吧，一年四季無間斷每晚有成班比堅尼侍應招呼，全場波濤洶湧，咁你仲等咩呀？
巴絲打一年去日本次數，肯定多過去主題公園，下次去開銀座「濕平」，記得去埋設喺地庫嘅酒吧YAH TOKYO，呢間被喻為「男人樂園」嘅酒吧，佔地約2,000平方呎，唔算大，裝修亦唔係豪華，但晚晚爆場客人玩到唔願走！無他嘅，每個侍應都好熱情，佢哋一年四季都係比堅尼上陣！而一般比堅尼已滿足唔到呢班火辣侍應，據當地傳媒表示，囡囡除咗要襯到絕先會出場，有時更親自剪裁最貼合個人身形嘅比堅尼，務求穿出最性感一面，所以飛釘走奶場面見怪不怪呀！
雖然稱為酒吧，但其實跳舞時間比飲酒仲要多，事關每晚Happy Hour時段為酒吧，而深夜時分就會變身Disco，火辣女侍應搖身一變Dancer，走上鋼管舞台帶領在場顧客盡情跳舞狂歡，難怪每晚6點開始門口就大排長龍等入場。當然，有錢就唔使咁煩，只要打個電話去訂房，就可以舒舒服服坐定定等睇騷，但消費一啲都唔平，包廂每小時要680港元，未計睇騷、酒水、零食、小費及消費稅等雜項，玩一晚閒閒哋使成皮港紙o架！
撰文：祖