好緊張呀！好快就有一件AV界盛事上演，講緊嘅係近年日本最大型AV頒獎典禮AV Open 2015，會喺今年Japan Adult Expo（簡稱JAE）當中上演。雖然盛事未到，但今次先嚟個溫故知新，睇吓JAE入面有幾好睇，有幾多AV女優同大家玩啦！
11月17日對小弟嚟講係一個重要嘅日子，原因並唔係乜乜紀念或者紅顏知己嘅生辰，而係當日乃AV Open 2015隆重上演之期。為咗捕捉呢個大日子，小弟早已決定親身赴會，為大家緊貼現場盛況。AV Open 2015固然重要，但同期舉行嘅Japan Adult Expo同樣係一件盛事，因為呢個推廣成人娛樂嘅博覽會，雲集日本AV界各大廠商同女優。今年嘅女優陣容仲比上屆更為強盛，上年總共有100名女優參與演出，今年就增至125位以上！咁有邊幾個女優咁巴閉？包括人氣強勁嘅波多野結衣、上原亞衣、小弟至愛嘅女神Julia同吉澤明步等，都喺出席陣容當中！
JAE上演嘅日子愈來愈近，日本AV銷售網站DMM嘅新聞部R18.com，最近同廣大AV迷嚟個溫故知新，回顧一下上屆有乜玩，等大家有個心理準備，同時提升各位期待嘅心情。另一興奮之處係今年移師新展館豊州PIT舉行，呢處容納到更多人，相信一定會比上屆墟冚。上屆嘅場館差啲逼爆，全因大家都想近距離睇女優，眾女喺場館內四處游走，仲會到台上表演，載歌又載舞之餘，加埋泳裝天橋騷，又玩鹹趣遊戲，例如女優分成兩隊鬥搶豆袋，個個都玩到忘晒形，令觀眾大飽眼福！
JAE稱得上係日本成人娛樂事業嘅重要展覽活動，當然唔可以淨係畀班AV女優玩晒，一眾AV廠及情趣用品商亦會擺好攤位迎接客人。大家可以從上屆JAE，見到參展商將攤位布置得美輪美奐，賣高檔貨品嘅攤位整得格調高貴，有些仲裝修到好似日本復古小店一樣，現場請女優示範SM道具點樣玩。另有攤位喺現場出售服務，有咩特別服務呢？就係同女優和模特兒合照，亦有女優提供瞓大髀服務，付費後可安躺於其大髀，真係諗起都爽呀！各位巴打，趁家訂日本機票咁平，紙水又低，不妨考慮飛去參加啦！詳情可Click上網址http://www.jae.tokyo/jae2015/index.html，班女優等緊你呀！
撰文：賢