所謂善有善報，做得善事多為自己同家人積福，好過日望夜望自己中六合彩。亦有云「施比受更有福」，有能力幫人其實已經係一種莫大福氣，好似巨乳妹野田彩加不但實力非凡，更係熱心公益，唔怪得曝光率同人氣都愈來愈高啦！
日本水着界嘅女優當中優質者眾，要成功突圍實在艱難，當然，有實力仲要有決心有耐性，事關唔係個個都咁幸運可以一炮而紅，需要花時間苦心經營等待人氣爆發之日，野田彩加終於等到呢一日來臨喇。今年27歲嘅彩加係小弟認為近年日本水着妹當中質素同狀態都處於巔峰嘅一位，阿妹生得一副瓜子面，配上標致五官加上氣質嬌美迷人，精神十足更神采飛揚，一眼睇見係男人都覺得特別醒神。更加令男人聚精會神嘅就梗係彩加呢副無敵靚偈啦！34-23-34雪白嬌軀，無論係肌膚質素、肉哋嘅結實程度以及線條美都相當吸睛，仲有一對木瓜形F Cup美巨乳增添火辣感覺，想搵多一個女仔身材拍得住彩加都幾難喇！
於2007年彩加同好多水着妹一樣喺原宿被星探發探，開始其水着生涯。次年彩加參加選美比賽「Miss FLASH 2008」，最後輸畀當時狀態十足嘅澤田友美而獲得亞軍。獲獎之後彩加雖然叫做有番咁上下名氣，但係始終都冇發圍機會，演出電視劇、電影嘅機會寥寥可數。後來，彩加就同遠野千夏組成美少女組合「桃子Doll」開始踏足舞台，因為表現出色，就獲聘為AKB48嘅影子團體「Beta AKB」成員之一。當時彩加嘅事業開始有起色，當中亦可能同佢熱心公益有關。作為Beta AKB成員之時，彩加曾經同班隊友趁阪神淡路大地震20周年嘅時候擔任防災志願者，義務向大家宣揚防災知識。此外，彩加亦出席過單車事故防止宣傳活動等，真係為阿公出過唔少力，彩加今日人氣火速提升可能就係因為善有善報。
簡介：野田彩加經常透過博客分享個人生活點滴，當然唔少得分享自拍性感相片，如果大家想更加了解彩加妹嘅私生活，可以Click上佢個博客慢慢睇。
網址：http://ameblo.jp/ayaka-noda/
年齡：27歲
身高：5呎4吋
三圍：34F-23-34
撰文：賢