人有三衰六旺，6套四仔跑出，打後衰番3套都好濕碎啫，更何況超級四仔導演Axel Braun唔止爆紅咗6套「惡搞超級英雄」四仔，單係嗰堆乜乜英雄續集再續集嘅收入都夠佢食過世啦！
咁所以，今期最新惡搞四仔《Peter Pan XXX》，外界反應極冷淡，Axel哥本人完全冇感覺，亦未曾擔心過各大老闆會閂水喉囉！本來Axel哥想食住10月上畫嘅大電影《小飛俠：魔幻始源》個勢，可以令全球巴打留意佢嘅《Peter Pan XXX》，好可惜，如意算盤打唔響，即使美國巴打都唔覺得惡搞後嘅小飛俠可以幾有性幻想空間，連帶多位參演主角，好似Riley Steele、Mia Malkova、Keira Nicole、Vicki Chase及Aiden Ashley等，本來一心諗住食住Axel Braun嘅金漆招牌及惡搞四仔熱潮上位，點知係衰多兩成，傳媒冇關注報道，又冇大型記招發布會，更陰公係網友抽水笑爆劇情戇居到冇朋友，搞到脫星要孭上票房毒藥污名，睇怕脫星以後都要諗清諗楚先好接戲喇！但公道啲講句，飾演小飛俠嘅男優Ryan Ryder查實已交足戲，喺片廠內飛嚟飛去又要同多位囡囡執劑，各位唔欣賞都口下留情啦！
撰文：祖