男人好色嘅心真係幾千，甚至幾萬年嚟都冇變過，而為咗可以同索女有親密接觸，面對一啲老套到爆嘅騙財陷阱時，都會樁個頭埋去。色情髮廊已經老套到唔玩，卻估唔到喺高雄竟然成為新鮮玩意！不過，最估佢唔到嘅係日本易服癖風俗店，同時吸引到男女玩家捧場，唔通真係咁好玩？
經常見到有內地男士因為色情廣告而墮入騙財陷阱，係咪因為佢哋唔夠醒目？唔係！而係男人喺色慾當前都會迷失理智。好似早前雲南昆明有個男子喺網上搵到一個聲稱可提供上門色情服務嘅中介人汪姓男子，兩人經過商議後，以600元交易。點知當事人過咗數後，有位自稱「司機」表示囡囡就快到，但先畀3,000元「意外保險金」，色慾熏心嘅事主於是又過咗數畀對方。過咗幾分鐘，自稱「按摩師」嘅囡囡打電話嚟，要求佢轉帳5,000元「保證金」，事主被到對方甜美嘅聲線迷倒，決定又過數。男子等咗好耐，見按摩師仲未嚟，就打電話畀汪某，對方就話佢因過數太慢而取消交易，叫佢畀多1,400元，然後將總數10,000元退番畀佢，此時男子先發覺自己上當，立即報警！汪某畀警察拉咗後供稱，自去年11月至今年6月期間已經多次得手，最厲害嘅一次係呃咗十幾萬元，真係誇張呀！
內地掛羊頭賣狗肉嘅色情髮廊已經存在咗好多年，卻估唔到原來對台灣高雄嘅人嚟講，竟然係新鮮玩意。話說早前當地破獲咗一間色情髮廊，呢間位於高雄前鎮武慶路嘅店舖，店外掛住大大個理髮店嘅招牌，只係裏面卻係亮着紅色燈光。臥底玩家入到去後，發現店內只得一張理髮櫈，上面更擺滿雜物兼鋪晒塵，跟住有人嚟招呼佢上二樓，原來樓上設有多間廂房，而囡囡就喺房內提供半套服務。嗱！睇到呢度大家都會估到臥底玩家最後表露真正身份，繼而封舖兼
拉人。
撰文：魂