大家有冇諗過美國四仔界係個乜嘢嘅世界？從事呢行嘅男女係咪個個都猥瑣、下流同淫蕩？嚟自瑞典嘅38歲四仔女導演Erika Lust，雖然喺大學修讀女性主義，但卻於2005年創立專門拍畀女性睇嘅AV製作公司，實行從女性角度製作出女性四仔迷睇得投入又有共鳴嘅作品。此外，佢亦從事文字創作，好似呢本《好色：女導演教你怎麼A》（Good Porn: A Woman's Guide），同樣係以女性角度出發，糅合自己攝製四仔經驗，同多年嚟喺四仔界見盡嘅眾生相，為大家展現四仔界嘅營運模式、了解四仔迷嘅內心世界、四仔發展嘅歷史同秘聞等。當然，講到全書嘅重點，相信係作者推介嘅提升性愛技巧。咪以為佢所謂嘅技巧係呃字數，須知道作為四仔導演，佢經常要為男女脫星進行床技指導，加上佢熟知女性嘅一切，因此所有技巧都係從實戰中磨練出嚟，具有相當嘅參考性。