社交網絡的影響可謂無遠弗屆，不要以為這只是年輕人的時麾玩意，除了成年人愛利用相關軟件來找「另一半」（不論長期或短期），也有不少人利用來搵食，「係啦，唔同以前真係咁易識到啲寂寞婦人o架啦，依家好多囡囡喺上面搵客，千祈唔好以為自己好靚仔，大把女主動送秋波呀。傾多陣，就開始同你傾價錢o架啦。」寫手K是這方面的老手，早在手機社交網絡盛行之前，已經開始由電腦玩起，「咁又唔係完全無嘢食嘅，撞手神囉。」這方面，當然要請他交貨啦。
「其實今時今日香港有唔少單身女士，佢哋條件唔差o架，現實識唔到如意郎君，咪玩吓社交網絡碰吓運氣，呢啲女仔我一般唔會掂，人哋搵真感情，無謂呃人。我通常做救火隊角色，幫人救完火就走，互不相干。」寫手K說，他在這些平台上「食」過一些失婚婦人，也有一些結婚久了，希望尋找刺激的人妻。
「有個師奶好大膽，傾兩次已經同我講佢同老公成半年無行房，點解？老夫老妻無晒感覺喎，所以佢咪上去識朋友囉！朋友？約出嚟見兩次，我已經成功上手啦！」寫手K笑着說。
撰文：黃韋龍