最近有部西片叫做《書中自有魔怪谷》，呢類講書入面嘅怪獸突然走到現實世界搞搞震嘅情節，相信適合小朋友睇居多，作為成年人相信唔會想書中有怪獸走出嚟，而係好想走入書中或電影世界中避開殘酷嘅現實生活。雖然呢個願望冇可能實現，但係得閒睇吓寫真女郎嘅DVD，感受一下佢哋嘅鮮嫩胴體以及媚態萬千亦係賞心樂事，有助忘卻煩憂。
睇日本AV作品，一女鬥兩男絕對係家常便飯，好多女優更加好似電影中嘅武林高手咁一個打十個添！而最近喺寫真DVD當中，就出現咗一女力誘二男嘅題材喇，而主演嘅就係呢位鎌田紘子。現年26歲嘅紘子可以話係現時寫真界當中成就最突出嘅一位，阿妹精靈甜美，形象亮麗鮮明，散發出嘅誘惑氣場勝過好多女星。身材纖巧薄身嘅紘子雖然唔係巨乳一族，但係勝在肉質鮮嫩，腰肢同四肢都夠晒幼，整副身材睇起上嚟充滿曲線美。踏足寫真界以來，紘子嘅作品每每備受追捧，更曾經連續9次成為網購網站亞馬遜寫真偶像DVD銷售榜嘅冠軍，認真厲害。此外，紘子作為偶像組合「浪漫Stars」成員除咗又唱又跳，仲親自作詞、設計服裝以及為MV剪片，可謂多才多藝，唔怪得好多人追喇！喺紘子最新嘅寫真DVD《戀之求婚大作戰》當中，故事就講紘子畀兩個男仔追求，令佢一時之間唔知揀邊個好，於是就同佢哋去旅行，再換上不同性感服飾並搔首弄姿引誘一番，睇吓邊個最落力討好自己就揀邊個。
碟名：《戀之求婚大作戰》
片長：75分鐘
售價：約HK$265
中國國寶有熊貓，日本國寶有咩呢？足球界嘅國寶就有三浦知良，而寫真界嘅國寶就有佐山彩香。2009年開始拍寫真嘅彩香上位速度猶如登上白金升降機，原因可能同佢個樣生得好似一位經典寫真女神有關，呢位女神亦係叫做香，全名就係優香！當年優香以甜美迷人嘅面孔加上豐滿巨乳成功俘虜廣大寫真迷嘅心。如今佐山彩香被視為優香嘅接班人，因為彩香一樣甜美，仲多咗一分純真簡樸嘅萌系氣息，故有「日本第一可愛女高中生」之稱。另一方面，彩香嘅F Cup美巨乳形、質、肌色配合完美，故亦添上「國寶級巨乳」稱號。喺最新作品《純真HONEY》當中，呢位國寶級寫真女郎去到度假勝地峇里演出。彩香一如以往會作多款不同感覺嘅扮相，扮女校生、女僕、護士等，其性感扮相亦火辣誘人，最吸引就係彩香經常大露酥胸，南北半球露齊晒，正呀！
碟名：《純真HONEY》
片長：90分鐘
售價：約HK$265
撰文：賢