艷舞事必係鋼管舞及膝上舞咁單調？梗係唔係啦，喺美國睇艷舞普通過食快餐嘅文化下，未睇過濕身舞都咪話自己去過夜場蒲呀！之不過有濕身舞提供嘅夜場確實唔多，今日介紹呢間Red Parrot老牌大場就有得你睇喇！
去美國睇艷舞，場可以亂去，但時間唔可以亂入，事關行頭競爭激烈，夜場要吸納客人，當然要喪搞活動做宣傳啦！而最簡單直接有效方法，一定係邀請脫星坐鎮，一來脫星多粉絲，二來齊晒架生，自動波上場跳跳跳，觀眾睇得開心，囡囡搵到食，夜場有錢賺，仲唔係三贏？而講到每晚有脫星撐場嘅，位於德州嘅老牌夜場Red Parrot地位無人能挑戰囉！佢夠膽喺官網自稱「成人娛樂界冧巴One」，唔係亂吹，巴打可以上佢官方Facebook及Twitter睇吓，每日都有宣傳海報登場，而表演嘅囡囡9成係現役一線脫星，數得出嘅有AJ Applegate、Alexis Texas、Lexi Belle、Samantha Saint、Jada Stevens及Kendra Lust等，以上邊個你唔識？敢話唔正？加上佢哋係夜場「常客」，逢有新片發布或生日派對，呢班脫星都例牌喺度同粉絲零距離狂歡，難怪Red Parrot已成為脫星聚腳地啦！
巴打最關心嘅入場費要視乎當晚粒星有幾勁，但飲品就抵到裂，任何酒精飲品都係每杯3美元（約24港元），除咗基本嘅大廳「T」台睇騷，畀得起錢嘅可以入房獨家欣賞膝上舞，如果咁都嫌唔夠特別，記得幫襯濕身房睇騷，房中間有條鋼管，天花板及左右牆身都有花灑射住，囡囡一邊跳，啲水起勢射，包你愈睇愈High呀啦！
撰文：祖