世上癲佬何其多？連四仔「女神」Malena Morgan都夠膽搞，真係唔識死呀！講緊係早前Malena向當地警方求助，報稱生命受到威脅，結果執法部門即刻做嘢，將一位年約25歲男疑犯Brian Blankenship拘捕。事緣Malena妹喺8月份收到「死亡電郵」恐嚇，內容大致係有人已開始跟蹤佢，更表示要槍殺佢，當事人梗驚到腳震啦，但報警後阿妹依舊有喺公眾場合出現，直至本月初，警察正式將疑人拘捕，而綜合當地傳媒報道，該名男子至今仍然收押，警方會正式起訴佢，但Malena對於事件就隻字不提，究竟來龍去脈係點，睇怕要等到審訊過後先會知囉！但自消息傳出後，網友議論紛紛，不少網友話阿妹人索又溫柔，得罪人機會唔大，反而係因為索到過火，太多癲佬鍾意佢，所以先會發生咁嘅事喎！照咁講，真係索又死唔索又死？